Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Ilir Meta prezanton nga burgu 10 propozimet e PL-së për arsimin në Shqipëri: Mbështetja e duhur financiare ndalon shpopullimin
ZH.LLPërditësimi i fundit 6 Janar 2025, 13:58
Meta
TIRANË- Kryetari i PL-së, Ilir Meta ka theksuar se fatkeqësisht sot arsimi në Shqipëri është kthyer në një emergjencë kombëtare. Përmes një postimi në "Facebook", Meta thotë se këtë e tregon edhe alarmi i ngritur nga UNESCO për nevojën urgjente të përmisimit të financimit të arsimit.
Meta shprehet se pagat e mësuesve dhe pedagogëve në nivele skandaloze, si dhe mosshpërndarja e duhur e burimeve buxhetore vërteton se për “Rilindjen” arsimi kurrë nuk ka qenë prioritet.
Më tej, Meta thekson se për Partinë e Lirisë, arsimi është një kryeprioritet kombëtar që beson se investimi më madhor për të ardhmen e Shqipërisë është investimi në arsim, si zgjidhja më e mirë për të ndalur shpopullimin. Ndërsa ka prezantuar 10 propozimet e PL-së për arsimin në Shqipëri.
Postimi i plotë i Ilir Metës:
Alarmi i ngritur nga UNESCO për nevojën urgjente të përmirësimit të financimit të arsimit dhe shpërndarjes së burimeve, provon edhe njëherë atë që kemi paralajmëruar si Parti e Lirisë, që fatkeqësisht sot arsimi në vendin tonë është kthyer në një emergjencë kombëtare.
Ulja e financimit për arsimin me vetëm 3.1% të PBB, më i ulti në rajon dhe disa herë më pak se në vitin 2010, nivelet skandaloze të pagave të mësuesve e pedagogëve që vijojnë të kërkojnë mbështetje të paktën sa kolegët e tyre në Kosovë, si dhe mosshpërndarja e duhur e burimeve buxhetore vërteton se për “Rilindjen” arsimi kurrë nuk ka qenë prioritet.Përkundrazi, nënfinancimi i qëllimshëm skandaloz, që ka sjellë rënien e cilësisë së arsimit, është pjesë e axhendës antikombëtare të shpopullimit për të nxitur largimin e të rinjve drejt vendeve europiane për studime dhe të mësuesve e pedagogëve për punësim.
Për Partinë e Lirisë, arsimi është një kryeprioritet kombëtar sepse ne besojmë se investimi më madhor për të ardhmen e Shqipërisë është investimi në arsim, si zgjidhja më e mirë për të ndalur shpopullimin.
Partia e Lirisë ofron zgjidhje konkrete për të përmirësuar rrënjësisht gjendjen e Arsimit në Shqipëri:
. Miratimin e një ligji për nivelin dysheme të investimit në arsim dhe kërkim shkencor në nivelin 5% të PBB.
. Dyfishimin e pagave të mësuesve për të arritur nivelin e mesatares së rajonit.
. Inovacioni do të financohet mbi mesataren e Bashkimit Europian.
. Ligjet kryesore të arsimit do të miratohen me shumicë të cilësuar në Kuvend, përfshi strategjitë e arsimit, programet, kurrikulat dhe politikat arsimore.
. Mësuesia dhe shkenca do të konsiderohen degë prioritare dhe do të mbështeten financiarisht.
. Investime prioritare në degët e teknologjisë së informacionit.
. Arsimi Profesional do të jetë në varësi të Ministrisë së Arsimit.
. Do të reformojmë kurrikulat me ekspertë të pavarur, larg çdo ndikimi politik.
. Do të implementojmë sistemin e kateringut në kopshte dhe shkolla, sipas modelit europian.
. Sigurimi i detyrueshëm i jetës në çerdhe, kopshte dhe shkolla për çdo fëmijë.
Mbështetja e duhur financiare për arsimin ndalon shpopullimin dhe garanton Shqipërinë fuqi eksportuese.
Alarmi i ngritur nga UNESCO për nevojën urgjente të përmirësimit të financimit të arsimit dhe shpërndarjes së burimeve, provon edhe njëherë atë që kemi paralajmëruar si Parti e Lirisë, që fatkeqësisht sot arsimi në vendin tonë është kthyer në një emergjencë kombëtare.
Ulja e financimit për arsimin me vetëm 3.1% të PBB, më i ulti në rajon dhe disa herë më pak se në vitin 2010, nivelet skandaloze të pagave të mësuesve e pedagogëve që vijojnë të kërkojnë mbështetje të paktën sa kolegët e tyre në Kosovë, si dhe mosshpërndarja e duhur e burimeve buxhetore vërteton se për “Rilindjen” arsimi kurrë nuk ka qenë prioritet.Përkundrazi, nënfinancimi i qëllimshëm skandaloz, që ka sjellë rënien e cilësisë së arsimit, është pjesë e axhendës antikombëtare të shpopullimit për të nxitur largimin e të rinjve drejt vendeve europiane për studime dhe të mësuesve e pedagogëve për punësim.
Për Partinë e Lirisë, arsimi është një kryeprioritet kombëtar sepse ne besojmë se investimi më madhor për të ardhmen e Shqipërisë është investimi në arsim, si zgjidhja më e mirë për të ndalur shpopullimin.
Partia e Lirisë ofron zgjidhje konkrete për të përmirësuar rrënjësisht gjendjen e Arsimit në Shqipëri:
. Miratimin e një ligji për nivelin dysheme të investimit në arsim dhe kërkim shkencor në nivelin 5% të PBB.
. Dyfishimin e pagave të mësuesve për të arritur nivelin e mesatares së rajonit.
. Inovacioni do të financohet mbi mesataren e Bashkimit Europian.
. Ligjet kryesore të arsimit do të miratohen me shumicë të cilësuar në Kuvend, përfshi strategjitë e arsimit, programet, kurrikulat dhe politikat arsimore.
. Mësuesia dhe shkenca do të konsiderohen degë prioritare dhe do të mbështeten financiarisht.
. Investime prioritare në degët e teknologjisë së informacionit.
. Arsimi Profesional do të jetë në varësi të Ministrisë së Arsimit.
. Do të reformojmë kurrikulat me ekspertë të pavarur, larg çdo ndikimi politik.
. Do të implementojmë sistemin e kateringut në kopshte dhe shkolla, sipas modelit europian.
. Sigurimi i detyrueshëm i jetës në çerdhe, kopshte dhe shkolla për çdo fëmijë.
Mbështetja e duhur financiare për arsimin ndalon shpopullimin dhe garanton Shqipërinë fuqi eksportuese.
