Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Intervista e djeshme, Berisha: Rama bëri gjithçka që të bllokonte sinjalin e televizionit në mënyrë që njerëzit të mos ndiqnin fjalët e Ahmetajt
M.B.Përditësimi i fundit 30 Korrik 2024, 21:04
Sali Berisha
TIRANA- Kreu i Partisë Demokratike Sali Berisha deklaroi sot se Arben Ahmetaj bëri mbrëmë autopsionë e SPAK. Berisha tha se Ahmetaj akuzoi Edi Ramën se po e kërcënon me jetë. Ai shtoi se u bë gjithçka të bllokonin sinjalin e SYRI TV në mënyrë që njerëzit të mos ndiqnin fjalën e vërtetë në intervistën e gazetarit Çim Peka me Arben Ahmetajn.
Pjesë nga fjala e Berishës:
Miqtë e mi, kësaj i thonë vjedhje 100 përqind. Por Arben Ahmetaj i bëri mbrëmë autopsinë edhe Skrapit të Partisë. Ai faktoi, ai akuzoi Edi Ramën se po e kërcënon me jetë. Ju e patë vetë se ç’u bë mbrëmë në mediat e kontrolluara nga qeveria, censurë totale. Bënë gjithçka të bllokonin sinjalin e SYRI TV në mënyrë që njerëzit të mos ndiqnin fjalën e vërtetë në intervistën e gazetarit Çim Peka me Arben Ahmetajn.
Miqtë e mi, u rrëfye para shqiptarëve dhe mbrëmë ai ishte dëshmitari para popullit shqiptar. Sepse shtroi pyetjen asgjësuese, ai duhet të ishte i arrestuar që nuk ka asnjë firmë në djegësin e Elbasanit, djegësin e Fierit, djegësin e Tiranës. Përkundrazi, ai mbrëmë u tha shqiptarëve se përveç kundërshtimit 4 herë të shkresës së Erion Veliajt, ai nuk kishte qenë dakord me asnjë nga procedurat dhe ata që kishin firmosur për to, ata Edi Rama dhe Erion Veliaj si pronarë të vërtetë nuk ndjenin asgjë, kurse ky lëshoi mandat-arrestin, ndiqej e persekutohej vetëm e vetëm me urdhër të Edi Ramës.
