Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
"Jep dorëheqjen"/ Berisha thirrje Ramës: Dorëheqja jote, kushti për të nxjerrë Shqipërinë nga kthetrat e narkoshtetit
b.zPërditësimi i fundit 4 Qershor 2024, 21:06
Sali Berisha
TIRANË - Kreu i PD-së Sali Berisha, deklaroi mbrëmjen e kësaj të marte se dorëheqja e kryeministrit Rama sipas tij do të ishte kushti i paqes sociale në vend. Gjatë fjalës së tij në tubimin e përditshëm qytetar, Berisha u shpreh ndër të tjera se sipas tij dorëheqja e Ramës është kushti për të nxjerrë Shqipërinë nga kthetrat e narkoshtetit, dhe kushti për të zëvendësuar narkodrejtësinë me drejtësinë e ligjit dhe Kushtetutës.
Pjesë nga fjala e Berishës:
Giorgio Mottola, gazetari Mottola çoi një kushtrim për çdo qytetar të këtij vendi që i thotë vetes shqiptar. Po a ka mundësi, ku mund të ndodhte përveçse në një narkoshtet që Taulant Balla, ministri i denoncuar për porosi të vrasjeve mafioze në sallën e gjyqit, ministri me dy dhe tre telefona të kriptuar, ministri i akuzuar se ka përdorur pasaportën diplomatike në 54 udhëtime me Edmond Begon, ministri që kujdesej në të gjitha format për të mbrojtur kriminelët e klaneve Rraja, Çelëve, etj, si mund të imagjinohet që të emërohet ky në krye të rendit.
E emëroi sepse ti je vetë kryekrimineli i narkoshtetit dhe kjo ka vetëm këtë shpjegim. Dil dhe përdor çdo fjalë, çdo sharje, por vetëm më i zi bëhesh se ç’je. Tregon se çfarë edukate, çfarë morali, çfarë fytyre ke o i pafytyrë.
Po a mund t’u emërosh Taulant Ballën ministër? Po vetëm në narkoshtet ndodh kjo! Edi Rama, jep dorëheqjen. Dorëheqja jote është kushti i paqes sociale në këtë vend. Dorëheqja jote është kushti për të nxjerrë Shqipërinë nga kthetrat e narkoshtetit. Dorëheqja jote është kushti për të zëvendësuar narkoshtetin me shtetin ligjor. Dorëheqja jote është kushti për të zëvendësuar narkodrejtësinë me drejtësinë e ligjit dhe Kushtetutës. Po kush e pësoi më rëndë se të gjithë nga narkoshteti dhe kush përfitoi më shumë se të gjithë nga kjo mynxyrë?
