Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Ju mendoni që njerëzit duan një qeveri teknike?" Shehaj: Duhet vetëm një qeveri të pakorruptuar! Jemi në garë për të bërë një opozitë më të mirë
M.B.Përditësimi i fundit 9 Shtator 2024, 20:51
Agron Shehaj
TIRANA- Kreu i partisë "Mundësi", Agron Shehaj ka deklaruar se qeveria teknike nuk është zgjidhja që presin qytetarët nga opozita. Me këtë deklaratë Shehaj kundërshton kërkesën e demokratëve drejtuar kryeministrit Edi Rama para zgjedhjeve të 2025. Ai thotë se nuk do të bëjë opozitën e opozitës me partinë e tij, por ajo që kërkojnë qytetarët është një qeveri e pakorruptuar, jo qeveri teknike.
Deklaratat Shehaj i bëri gjatë një takim me simpatizantë në Vlorë. Ai ka shtuar se një opozitë që flet për problemet dhe atë që njerëzit duan.
“Asnjë nga partitë e mëparshme nuk kanë patur besueshmëri që ne kemi bashkëthemeluar, asnjë nga partitë e mëparshme. Të gjitha kanë tentuar të imitojnë njëra tjetrën dhe të imitojnë partitë në pushtet. Ne nuk po bëjmë asgjë nga ato që kanë bërë ata më përpara.
Nuk me keni dëgjuar që sulmoj opozitën, sepse s’jemi në opozitë për të bërë opozitën e opozitës, por jemi në opozitë për të bërë opozitë më mirë se e bëjnë të tjerët. Po ne jemi në garë edhe me opozitën tjetër, por jemi në garë me ata jo për të mundur ata, jo për të sulmuar ata, por jemi në garë për të bërë një opozitë më të mirë, ashtu siç ne e mendojmë
Një opozitë të vërtetë, një opozitë që flet për problemet dhe atë që njerëzit duan. Ju mendoni që njerëzit duan një qeveri teknike? Mendoni që zgjidhja është qeveri teknike? Jo! Njerëzit duan një qeveri të pakorruptuar dhe nuk duan një qeveri të pakorruptuar thjesht se është një çështje etike. E duan një qeveri të pakorruptuar se janë të vetedijshëm që nëse do ketë një mundësi për fëmijet e tyre, për një të ardhmë të fëmijëve të tyre në Shqipëri, ajo mundësi do të vijë”, ka thënë Shehaj.
