Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Kandidate në listën e hapur të PD-së në Shkodër/ Gloria Shllaku tërhiqet nga gara: Po ja lë vendin një demokrati tjetër
b.zPërditësimi i fundit 15 Mars 2025, 17:45
Gloria Shllaku
TIRANË - Një tjetër kandidate për deputete në radhët e PD-së për zgjedhjet e 11 Majit, është tërhequr nga gara. Gloria Shllaku e cila ishte në listën e hapur të Shkodrës ka njoftuar tërheqjen nga gara ndërsa shton se ja ka lënë vendin një demokrati tjetër, Aurel Markajt.
Shllaku thotë se ky është sipas saj një vendim që merr parasysh konfigurimin e zonave të qarkut Shkodër, dhe Aureli do të siguronte sipas saj një përpjestim më të mirë të kandidatëve në listën e Shkodrës.
Deklarata;
Si kandidate e koalicionit AShM, deklaroj tërheqjen nga lista e hapur në Qarkun e Shkodrës, por jo nga gara për zgjedhjet e 11 majit. Ajo është gara e të gjithë demokratëve, pavarësisht nëse janë në listë ose jo.
Duke falenderuar të gjithë mbështetësit, degën e Partisë Demokratike në Shkodër, drejtuesin politik z. Boçi, dhe demokratët shkodranë, e marr këtë hap me besimin se synimi nuk është akomodimi privat, por fitorja e përbashkët.
Asnjë pakënaqësi apo hatërmbetje në këtë rast, por një vendim sovran, i marrë prej meje për t’i lënë vendin një demokrati tjetër, Aurel Markajt, dhe në këtë mënyrë për të maksimalizuar votat, rritur kohezionin dhe mundësuar rotacionin politik në Shqipëri.
Ky është një vendim që merr parasysh konfigurimin e zonave të qarkut tone, dhe mendoj se Aureli do të siguronte një përpjestim më të mirë të kandidatëve në listën e Shkodrës. Territori gjeografik kërkon përqafësim politik, mbështetur edhe te origjina, aktiviteti dhe lidhjet.
I uroj suksese Aurelit, dhe ai, bashkë me kandidatët e tjerë të Aleancës për Shqipërinë Madhështore, do të ketë mbështetjen time të pakursyer.
Për Shkodrën Madhështore, për Shqipërinë e përbashkët!
