Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
“Ke marrë rolin e Nafijes te Gjuetia e fundit”/ Spiropali replikë Nokës: Na kishe munguar në këtë foltore! Keni bërë mirë që vendosët të flisni, por përdor metafora pak më moderne
n.fPërditësimi i fundit 7 Nëntor 2024, 12:44
Foto ilustruese
TIRANË- Deputeti i PD-së, Flamur Noka ka mbajtur ditën e sotme fjalën e tij në seancën plenare. Ai u shpreh se mosbindja civile e tyre do të vazhdojë, ndërsa shtoi se në Parlament ndodhen për betejë.
Gjithashtu Noka ka quajtur kryeparlamentaren Elisa Spiropali si “Nafija” një personazh në filmin “Gjuetia e fundit”. Pas fjalimit të Nokës, kryeparlamentarja i është përgjigjur ndërsa është shprehur se u kishte munguar në foltore.
Ajo më tej shtoi se metaforat e Nokës i ka pak të vjetëruara ndërsa theksoi se kanë bërë mirë që kanë marrë vendimin për tu rikthyer në seancat plenare. Spiropali theksoi se Noka duhet të kursehet me metaforat ndërsa e "këshilloi" të përdorë metafora pak më moderne.
Spiropali:Po e marr për replikë zoti Noka, i ke pak të vjetëruara këto metaforat, na kishe munguar në këtë foltore ku ta gjej që të jeni këtu dhe të diskutoni, keni bërë shumë mirë që keni marrë vendim për kthim, keni bërë shumë mirë që jeni këtu se qytetarët duhet t’ju dëgjojnë. Keni bërë mirë që vendosët të flisni sot, por ato metafora kursejini pak se nuk ju shkojnë që të përdorni ato fjalë që të them të drejtën po të ishin pak më moderne do të ishin pak më mirë, por na kishe munguar në këtë foltore sa herë do ta merrni pa diskutim se nuk kam ndërmend të ndërpres ju kur po bëni gabim.
