Ministria e Mbrojtjes informon se gjatë 24 orëve të fundit (nga ora 09:00 e datës 8 shtator deri në orën 09:00 të datë...
POLITIKE
Këlliçi: Teza e re e Ramës për korrupsionin, konfirmon vjedhjet e tij!
PiranjatPërditësimi i fundit 1 Prill 2026, 14:27
Deputeti demokrat, Belind Këlliçi, ka reaguar ndaj deklaratave të Edi Ramës, duke e akuzuar se po përpiqet të relativizojë korrupsionin në vend.
Përmes një postimi në rrjete sociale, Këlliçi kundërshtoi tezën e Ramës se mungesa e korrupsionit argumentohet me rritjen e të ardhurave në buxhetin e shtetit.
Sipas tij, kjo rritje vjen kryesisht nga shtimi i taksave dhe mënyra e mbledhjes së tyre, dhe nuk përjashton abuzimin me fondet publike.
Ai pretendoi se një pjesë e konsiderueshme e këtyre të ardhurave përfundojnë në duart e zyrtarëve të lartë, duke përmendur edhe Belinda Ballukun.
Këlliçi ngriti akuza për abuzime me tendera dhe projekte publike, duke iu referuar disa procedurave me vlerë të lartë financiare dhe duke përmendur edhe institucionin AKSHI, për të cilin tha se ka përfituar fonde të mëdha në vitet e fundit.
Sipas Këlliçit, Qytetarët nuk e meritojnë një qeverisje të zhytur në korrupsion e krim, teksa ka bërë thirrje që këta të fundit ti bashkohen protestave të opozitës në shesh.
“Pasi shpalli se shkelja e barazisë në tendera, apo shpërdorimi i detyrës nuk janë korrupsion, pasi mbrojti me votë në Kuvend bashkëpunëtoren e tij të ngushtë në afera, pasi po bëhet gati të ndryshojë ligjet dhe Kodin e Procedurës Penale për të fituar imunitet ekstra para drejtësisë, Edi Rama tani na ka dalë me një tezë të re. Ai thotë se nuk ka korrupsion, sepse janë rritur të ardhurat e shtetit!
