Protestat studentore në Shqipëri kanë hyrë sot në ditën e 14-të radhazi, ndërsa një numër i madh të rinjs...
POLITIKE
Kjo nuk ka më të bëjë me parti, por ka të bëjë me Shqipërinë’/ Gjunkshi thirrje për pjesëmarrje në protestë
PiranjatPërditësimi i fundit 22 Dhjetor 2025, 12:10
Këshilltari për sigurinë në PD, Xhemal Gjunkshi, i ka bërë thirrje qytetarëve të marrin pjesë masivisht në protestën e sotme në orën, 18:00.
Në postimin e tij në Facebook, Gjunkshi thekson se beteja e sotme nuk lidhet me interesa politike, por me dinjitetin, drejtësinë dhe mbrojtjen e shtetit ligjor në Shqipëri.
Postimi i plotë
Sot, ora 18:00, qytetarët kanë fjalën.
Sot nuk është thjesht një protestë opozitare. Sot është një thirrje për dinjitet, për drejtësi.
Edi Rama ka zgjedhur të sulmojë drejtësinë jo për interesin publik, por për të mbrojtur vjedhjet e tij dhe aferat e njerëzve, shërbëtorë të tij, mes tyre edhe Belinda Balluku. Kur drejtësia afrohet, pushteti dridhet. Dhe kur pushteti dridhet, kërcënon, shantazhon dhe sulmon institucionet e pavarura.
Kjo nuk ka më të bëjë me parti. Ka të bëjë me Shqipërinë.
Me taksat tona. Me spitalet që mungojnë. Me rrugët që kushtojnë sa ari. Me një qeveri që mendon se është mbi ligjin.
Sot në orën 18:00, ejani të gjithë. Pa flamuj partie, por me flamurin e qytetarit që nuk pranon të vidhet dhe të poshtërohet. Heshtja sot është bashkëfajësi. Prania është qëndrim.
Shihemi në protestë. Për drejtësinë. Për Shqipërinë.
