Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Komisioni për sterilizimin/ Enkel Joti nuk mban mend detajet, Vokshi: Jeni nën betim, duhet të thoni të vërtetën...
S.BPërditësimi i fundit 9 Shtator 2024, 15:12
TIRANË- Ditën e sotme po zhvillohet mbledhja e Komisionit Hetimor për Sterilizimit, dhe i pari që është marrë në pyetje është Enkel Joti, drejtues në QSUT. Pasi iu drejtuan disa pyetje lidhur me sterilizimin, Joti në pjesën më të madhe është përgjigjur me “Nuk e mbaj mend” pavarësisht se disa nga pyetjet ishin të bazuara në dokumente të firmosura nga vetë ai.
Ndërkohë kryetarja e Komisionit Albana Vokshi, i ka kujtuar Jotit se është nën betim dhe se duhet të thotë të vërtetën.
Pjesë nga marrja në pyetje e Jotit:
Vokshi: Auditimi i KLSH, ku institucion bëri disa vërejtje, mes tyre marrja e centralit të sterilizimit në përdorim. Gjetje e KLSH që pavarësisht se nuk theksohet në kontratë ju ia keni lënë koncesionarit pa qera, KLSH madje ka vënë edhe detyra në lidhje me këtë gjetje. Kush janë hapat që keni marrë?
Joti: Ju keni marrë vetëm raportin e KLSH. Nuk di a keni marrë kontrollin e KLSH për zbatimin e rekomandimeve. Vënia pa qera ka qenë e parashikuar në kontratë. Çdo rekomandim i KLSH-së, kemi për detyrë ta zbatojmë.
Vokshi: Ka disa rekomandime që KLSH i ka gjetur në shkelje. Mungesa e qerasë është konsideruar dëm në buxhet. Është vetëm njëra. Nga kush kryheshin sterilizimet në QSUT?
Joti: Instrumentet sterilizoheshin nga Saniservice, në dijeninë time. Pyetjet janë teknike, nuk i mbaj mend detajet.
Vokshi: Keni ngritur problematike në mënyrë të vijueshme. Është për t’u vlerësuar që i keni ngritur këto problematikat, kemi shkresat, pavarësisht se nuk po na i thoni sot. Jeni nën betim ju lutem të na i thoni. Bëhet për një opinion publik.
