Shqipëria ka koston më të lartë të internetit nga rrjetet celulare, në raport me të ardhurat, në rajonin e Ballkanit P...
POLITIKE
‘Kryengritja e pallatit’/ Koka: Ja si PS votoi kundër vetes në parlament dhe çfarë fshihet pas saj
PiranjatPërditësimi i fundit 12 Shkurt 2026, 18:55
Gazetari Bledian Koka, i ftuar në Task Force në SYRI TV me Sonila Meçon, ka folur për zhvillimet politike në vend, si dhe seancën e sotme parlamentare.
Sipas Kokës, një ngjarje e pazakontë në seancën e fundit parlamentare ka ngritur dyshime për një krizë të brendshme në radhët e PS, ku një projektligj i propozuar nga vetë mazhoranca dështoi të merrte votat e nevojshme, duke u interpretuar si një "mesazh i koduar" dhe një shpërfaqje e luftës së brendshme për pushtet.
Gazetari theksoi se propozimi i PS mori vetëm 67 vota pro, duke mos arritur kuorumin e nevojshëm prej 71 votash për t'u miratuar. Situata shkaktoi reagimin e opozitës, e cila e konsideroi ligjin të rrëzuar.
Koka: Do të them një gjë për kryengritjen e pallatit. Përveç se njerëzit që janë afër mazhorancës nuk e fshehin më këtë kryengritje pallati, thjesht po them një gjë që mund të duket si rastësore, por për mua nuk është rastësore. Sot në parlament ka ndodhur një gjë shumë interesante.
Në një moment të caktuar, kryetari i kuvendit, Niko Peleshi, hap votimin për një projektligj që e kishte propozuar vetë mazhoranca.
Koka:Dhe e di çfarë ka ndodhur sot?
Koka:Hapet votimi, mbyllet votimi dhe praktikisht ishin 67 vota pro projektligjit dhe pjesa tjetër kundër.
Meço:Po çfarë ishte projektligji?
Koka:Ishte një projektligj që po diskutohej që që ishte propozuar nga mazhoranca, dhe krejt papritur rezulton që mazhoranca sot në një moment të caktuar nuk kishte...
Koka:Duhet patjetër, gjithmonë duhen 71 vota për të miratuar. Dhe sot u hap votimi, 67 vota, u ngrit shqetësimi nga opozita që "prit se kjo gjëja nuk u miratua". Edhe pastaj zoti Peleshi përdori argumentin që "shiko se votimi nuk quhet se unë nuk e thashë që le të mblidhet votimi".
Meço:Mirëpo kjo mund të ketë qenë... Për çfarë aludon?
Koka: Dhe po aludoj, dhe po e them, që dikur nëse kjo qeveri do bjerë, ka dy rrugë. Ose bie, me çfarë? Bie me arrestimin apo pezullimin e kryeministrit, në qoftë se i referohemi atij vendimit, ose do të bjerë me mocion mosbesimi. Atë që është...
Koka:Që është, këto janë dy rrugët. Ose me revolucion, po kjo është si me thënë shumë hipotetike. Po në qoftë se jemi tek ajo që kemi diskutuar, tek kriza politike, që më shumë sesa krizë politike mes mazhorancës dhe opozitës, mua më duket një krizë e brendshme e mazhorancës dhe luftës së brendshme për pushtet, po them edhe një herë, kam përshtypjen që sot ka pasur një ushtrim të detyrës, ose të paktën kështu më duk mua, dhe e pashë dhe në disa media të tjera si për të konfirmuar dyshimin që kjo gjëja ra në sy, sepse...
Edhe mediat pranë qeverisë, mediat që janë pjesë e betejës mes, nuk po i citoj sepse është... nuk është shumë etike.
E dëgjova dhe qëndresën që bëri opozita që sigurisht e bëri për ta vënë në pah që mazhoranca sot në një moment të caktuar bëri një, një, një, një votim dhe kishte 67 vota në Kuvendin e Shqipërisë. Madje mbas këtij momenti, vetë kryetari i grupit parlamentar, Taulant Balla, kërkoi pesë minuta pushim për të qartësuar situatën. Por që sot kam përshtypjen, dhe të paktën mua më duk, dhe mbetet për t'u parë në vazhdim, që sot ka pasur një shpërfaqje të asaj se çfarë ndodh brenda Partisë Socialiste dhe një mesazh që i dërguar patjetër kreut të mazhorancës, që ndoshta në një moment të caktuar ti, nëse kërkohet një mocion mosbesimi nga, nga, nga opozita në këtë rast, mund të mos ta kalosh këtë gjë.
