Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Ky është një shpartallim i procesit zgjedhor"/ Topalli për votat e Greqisë: Procesi i marrjes së zarfeve nuk është bërë nga DHL por nga Partia Socialiste
m.lPërditësimi i fundit 17 Maj 2025, 14:24
TIRANA- Drejtuesja politike e PD-së për diasporën, Jozefina Topalli, ka komentuar ashpër procesin e votimit të emigrantëve në Greqi. Në një deklaratë për mediat Topalli e ka cilësuar si rastin më flagrant të shkeljes së çdo norme dhe standardi të parashikuar në Kodin Zgjedhor. Topalli tha se është një proces i pakontrolluar dhe kontaktorët e DHL-së janë kooptuat nga strukturat e pushtetit në Greqi, gjë e cila është në kundërshtim me marrëveshjen e bërë mes tyre dhe KQZ-së. Topalli tha se këto rezultate në zgjedhje janë parë vetëm në Korenë e Veriut dhe shtoi se ky është një shpartallim i procesit zgjedhor.
"Ky është rasti më flagrant i thyerjes së çdo norme dhe çdo standardi të procesit të votimit të shkruar në Kodin Zgjedhor. Mesa shihet, rezultatet shkojnë deri në 85% për PS në Fier, mund të shkojnë në Berat, e njëjta fenomen është në të gjitha qarqet, Durrës etj. Është një proces që siç e kemi thënë, i pakontrolluar dhe kontraktorët e DHL që është në kundërshtim me marrëveshjen që është bërë midis tyre dhe KQZ, mesa duket janë kooptuar nga strukturat e pushtetit në Greqi.
Këtë e kemi kuptuar me logjikë që ditë më parë dhe në mënyrë të veçantë në Athinë, Selanik e Kretë postën e ka bërë partia në pushtet. Në këto kushte, procesi i marrjes së zarfeve nuk është bërë nga DHL por nga njerëz të tjerë dhe rezultati që kemi sot është larg reales.
PS mund të fitonte sot, mund të shtonte vota, por rezultat 90% unë personalisht besoj se kjo gjë në 2025 mund të ndodhte në Korenë e Veriut, por për shkak të ndryshimit të sistemit ka ndodhur dhe në Shqipërinë tonë të dashur, dhe ky është një shpartallim i procesit zgjedhor," tha Topalli.
