Profesori i njohur amerikan i ekonomisë, Steve Hanke, ka reaguar lidhur me revoltën studentore në Shqipëri, duke bërë thirrje t&...
POLITIKE
Marjana Koçeku për CNN: Kam parë me sytë e mi dhunën e ushtruar ndaj të rinjve! Në shumë raste u mohohet edhe ndihma spitalore
PiranjatPërditësimi i fundit 18 Tetor 2026, 12:05
Deputetja e pavarur, Marjana Koçeku ka dhënë një intervistë për CNN, ku ka folur për largimin e saj nga Grupi Parlamentar i Partisë Socialiste, e deri te protesta studentore kundër qeverisë që ka përfshirë Tiranën.
Ajo deklaroi se studentët përshkallëzuan protestën për shkak të arrogancës së qeverisë dhe skandaleve të mëdha të korrupsionit. Koçeku theksoi se e ka parë dhunën që ka ushtruar policia ndaj studentëve, veçanërisht ndaj studentëve.
“I kanë goditur, kanë përdorur shkopinj dhe gaz irritues. Por një nga shkeljet më të rënda të të drejtave të njeriut është veprimi i policëve civilë, të veshur me rroba të zakonshme, të cilët po sillen në mënyrë të ngjashme me rrëmbime, duke marrë nga rruga të mitur dhe studentë e duke i dërguar në komisariat.”, tha ajo.
Sipas saj, shpesh atyre u është mohuar edhe ndihma spitalore.
“Kjo u ndodh shpesh edhe atyre që nuk janë pjesë e protestës. Madje, në shumë raste, atyre u mohohet edhe ndihma spitalore, pasi janë lënduar nga dhuna e ushtruar ndaj tyre. Kjo është jashtëzakonisht shqetësuese, sepse institucioni që pritet të na mbrojë po përdor të gjithë fuqinë e tij për të shtypur zërin, kërkesat dhe lirinë e këtyre të rinjve.”, tha ajo.
