Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Berisha: Revansh i papërmbajtur i bandës së partisë për të terrorizuar qytetin. Të shtunën të gjithë në Shkodër
ZH.LLPërditësimi i fundit 31 Tetor 2024, 14:25
Sali Berisha
TIRANË- Kreu i Partisë Demokratike, Sali Berisha ka shpallur protestën e radhës të opozitës në Shkodër për t’u solidarizuar me qytetarët pas ngjarjes së rëndë ditën e djeshme. Gjatë fjalës së tij për mediat, Berisha akuzoi kryeministrin Edi Rama se përdor krimin, mafian më agresive për t’i mposhtur, frikësuar ata dhe që e bën qytetin e tyre të pajetueshëm.
Në vijim të fjalës së tij, Berisha ftoi të gjithë qytetarët që t'i bashkohen në protestë të shtunën, si një akt solidariteti me Shkodrën dhe Shkodranët.
"Masakra e djeshme në Shkodër, është një masakër ndaj të gjithë shqiptarëve, sepse nuk është thjeshtë një përplasje mes grupeve, jo. Është revansh i papërmbajtur i bandës së partisë, i bandës shtetërore për të terrorizuar qytetin, për të vendosur këtë qytet nën terror, me ekzekutime publike, me qëllimin e vetëm kryesor për të siguruar vota për kreun e krimit të organizuar në Shqipëri, të cilit pasi i dolën të gjithë të vërtetat e votave në Durrës, nga Avdylët, Troplinët, Dervishë e kompani, tani duan ti sigurojnë me Bajrët në Shkodër. Dhe një herë ftoj çdo qytetar të lejë çdo punë ditë e shtunë, të shkojë si një akt solidariteti, njerëzie, një akt miqësor ndaj Shkodrës dhe Shkodranëve e cila ka dhënë kaq shumë për Shqipërinë dhe kombin dhe që duan ta mposhtin me hanxharë dhe xhelatë të pushtetit. Por kjo nuk do të ndodhë kurrë. Faleminderit!", tha Berisha.
