Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
Mbahet sot seanca e radhës për Safet Gjicin! D të betohen në Gjykatën e Elbasanit 3 mjekët ligjorë që do të nxjerrin raportin mbi gjendjen e tij shëndetësore
ZH.LLPërditësimi i fundit 14 Nëntor 2024, 11:02
Safet Gjici
ELBASAN- Seanca e radhës gjyqësore ndaj ish-kryebashkiakut të Kukësit, Safet Gjici, do të mbahet këtë të enjte, teksa pritet të paraqiten mjekët ligjorë të cilët do të marrin përsipër raportin mbi gjendjen shëndetësore të Gjicit.
Seanca e mbajtur javën e kaluar u shty pasi avokati i Gjicit ka kërkuar lirinë e tij për shkak të gjendjes së rënduar shëndetësore. Nga ana tjetër, përballë këtij pretendimi, gjykata vendosi ta shtyjë seancën, e cila do të mbahet sot në orën 11:45.
Gjykata vendosi që në seancën e sotme do të bëhet e mundur edhe paraqitja e 3 ekspertëve mjekë ligjorë, të cilët do të bëjnë betimin, e më pas Gjykata e Elbasanit do iu ngarojë detyrat e përpilimit të një raporti mbi gjendjen shëndetësore të ish-kryebashkiakut Gjici.
Safet Gjici është i dënuar me 3 vite burgim ka ende për të shlyer 1 vit e 2 muaj dënim të mbetur, ndërkohë aktualisht ai gjendet i hospitalizuar. Sipas avokatit të tij, Gjici po trajtohet në një spital privat por duke mos dhënë më shumë detaje. Avokati shprehet se këto problematika Gjici i ka vuajtur edhe më herët, por gjendja e rënduar psikologjike në burg ka rënduar edhe gjendjen e tij shëndetësor.
