"Mbërrijnë ë mërkurën ose të enjten!" Meloni nuk tërhiqet pas vendimit të Gjykatës së Romës, brenda javës tjetër përsëri një grup me emigrantë në Gjadër

ITALIA- Pas përplasjes mes kryeministres italiane Giorgia Meloni dhe magjistratëve për vendimin e djeshëm, ekzekutivi në Romë po planifikon të sjellë një tjetër grup emigrantësh në Shqipëri. Pavarësisht këtij vendimi të gjykatës, media italiane "La Repubblica" shkruan se qeveria italiane nuk është tërhequr dhe javës tjetër pritet të sjellë një tjetër grup me emigrantë në Gjadër. Media italiane paralajmëron se anija italiane me emigrantë mund të mbërrijë në Portin e Shëngjinit të mërkurën ose të enjten, në varësi të kushteve të motit.

Pas vendimit të Gjykatës së Romës, 12 emigrantët kanë lënë sot kampin e Gjadrit dhe janë nisur drejt Italisë. Anija e rojës bregdetare italiane mbërriti rreth orës 07:30 minuta të mëngjesit të 19 tetorit në Portin e Shëngjinit për transportin e emigranteve drejt shtetit fqinj. Menjëherë pas ankorimit të mjetit lundrues në port, autoritetet Italiane nën shoqërimin e policisë shqiptare transportuan 12 emigrantet nga kampi i Gjadrit drejt Shëngjinit.

Vendimi i mor nga Gjykata e Romës bazuar në një vendim të Gjykatës Evropiane të Drejtësisë më 4 tetor për azil kërkuesit e vendeve të pasigurta. Duke iu referuar edhe Gjykatës Europiane të Drejtësisë, në vendimin e trupës së gjyqtarëve të Romës thuhet se Egjipti dhe Bangladeshi konsiderohen vende të pasigurta dhe për këtë arsye 12 emigrantët duhet të qëndrojnë në Itali.

italia