Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Mbledhja e Këshillit të Ministrave/ Koçiu: Mbështetje për kujdestarët që kujdesen për personat me aftësi të kufizuar
M.B.Përditësimi i fundit 4 Dhjetor 2024, 15:23
TIRANA-Ministrja e Shëndetësisë, Albana Koçiu ka deklaruar për mediat pas mbledhjes së Këshillit të Ministrave se qeveria ka vendosur që të ketë një mbështetje përmes një page për kujdestarët që kujdesen për personat me aftësi të kufizuar. Koçiu tha se ministria është duke punuar për ta trajnuar kujdestarin si një figurë personale, e cila do të marrë një mbështetje përmes një page. E pyetur për mungesën e barnave tumorale, Koçiu tha se QSUT ka marrë përsipër furnizimin dhe ministria është e angazhuar për të vazhduar furnizimin periodik për të gjithë qytetarët që preken nga këto sëmundje.
“Ministria është duke punuar për të lancuar figurat e reja. Jemi duke punuar për ta trajnuar si një figurë personale, e cila do të marrë një mbështetje përmes një page. Janë të gjitha këto punë, të cilat janë miratuar dhe në varësi të buxhetit që u miratua dje.
Ndërsa, barnat tumorale janë një element i rëndësishëm që të sëmurët që vuajnë nga këto sëmundje. Qendra Spitalore Nënë Tereza ka marrë përsipër furnizimin dhe ne jemi të angazhuar për të vazhduar furnizimin periodik për të gjithë qytetarët që preken nga këto sëmundje”, tha ndër të tjera Koçiu.
