Ilir Meta ka reaguar në lidhje me gjyqin që po zhvillohet ndaj tij dhe bashkëshortes Monika Kryemadhi.
Me anë të një postimi n&...
POLITIKE
Mbyllet protesta e PD, Berisha: Ky ishte mesazhi i parë drejt fitores, ne do e vazhdojmë betejën tonë
PiranjatPërditësimi i fundit 22 Dhjetor 2025, 20:36
Kryedemokrati Sali Berisha, në mbyllje të fjalës dhe protestës së mbrëmjes së sotme të opozitës, deklaroi se ky ishte mesazhi i parë ndaj qeverisë së korruptuar dhe se beteja do vazhdonte deri në rrëzimin e kësaj mazhorance. Ai bëri me dije para mediave, teksa dha deklaratën e fundit nga selia blu, se PD do njoftojë për hapat e mëtejshëm dhe protestën e radhës. Kreu i selisë blu theksoi se Rama duhet të largohet një minutë dhe më parë.
“Edi Rama s’duhet të qëndrojë në pushtet, të ikë një minutë e më parë. Në do ju njoftojmë për çdo hap tjetër që do ndiqet pas kësaj proteste. Ky ishte një mesazh i fuqishëm, një protestë historike”, tha lideri i opozitës.
Ai iu rikthye edhe një herë dosjes së SPAK për AKSH-in, duke theksuar se aty gjenden mesazhe dhe fotografi me të gjithë ministrat dhe ka mesazhe që tregojnë se si vidhet qeveria.
“Kishte disa mesazhe aty që tregonin se si vidheshin paratë dhe më pas shndërroheshin në propagandë kundër jush dhe popullit opozitar. Ka edhe fotografi aty, por i kishin hequr, se janë me ministrat, kishin lënë vetëm atë Mirlindën, por ajo është viktimë”, vijoi ai.
Në fund Berisha tha se ky ishte mesazhi i parë drejt fitores dhe beteja do vijonte deri në largimin e qeverisë.
“Ky ishte mesazhi i parë drejt fitores, ne do e vazhdojmë betejën tonë, me guxim dhe vendosmëri të pakthyeshme. Fitore, fitore, fitore”, përfundoi ai.
