Kreu i Partisë Demokratike, Sali Berisha, gjatë bashkëbisedimit të përjavshëm me qytetarët në rrjetet sociale, ka reagua...
Rrjeti i madh televiziv CNN, në një kronikë të zgjeruar për protestat në Shqipëri, thekson se ndryshe nga sa pretendon kryemi...
Nj-vjeçar i akuzuar për rrëmbimin, vrasjen dhe fshehjen e trupit të të riut nga Burreli, Klevis Lleshi, u ekstradua nga Italia. Sajmi...
Një seri manovrash janë përdorur nga Belinda Balluku, për të përfituar një vilë luksoze me pishinë në një...
Në fillim të viteve ’90, Shqipëria kishte një pasuri që nuk ishte krijuar nga ekonomia, por ishte trashëguar nga natyra, me ...
Nga Mevlan Shanaj: REQUIEM PËR NJË BESIM Edi Rama, Sot po të shkruaj jo si kundërshtar politik, por si një njeri që t&eum...
Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
Dashi Përpiquni të shmangni polemikat dhe diskutimet. Edhe me fjalë nëse është e mundur thoni se jeni të disponueshëm p...
Ditën e shtunë vendi ynë do të ndikohet nga kushte atmosferike të qëndrueshme. Moti parashikohet me kthjellime (diell) si dhe alt...
Nga Lorenzo Tosa* Flitet shumë pak për këtë tek ne, por në Shqipëri ka lindur një lëvizje popullore nga poshtë, e ...
Presidenti i Partisë së Lirisë, Ilir Meta, në vijim të intervistës ekskluzive për Syri.net ndalet te procesi gjyqësor ndaj tij dhe zhvillimet që lidhen me çështjen CEZ-DIA. Ai shpreh kritika për zvarritjen e hetimeve ndër vite dhe e cilëson procesin si të motivuar politikisht, duke ngritur pikëpyetje mbi mënyrën e ndërtimit të akuzave dhe besueshmërinë e kallëzuesve.
Meta thekson se çështja CEZ-DIA është trajtuar më parë në disa nivele, përfshirë edhe arbitrazhin ndërkombëtar, ndërsa ngre si çështje kyçe padinë e bërë nga Kontrolli i Lartë i Shtetit ndaj Edi Rama për marrëveshjen me CEZ. Sipas tij, kjo çështje kërkon transparencë të plotë dhe përgjigje nga organet e drejtësisë lidhur me ecurinë e hetimeve dhe vendimmarrjet përkatëse.
Në të njëjtën kohë, ai komenton edhe nisjen e gjykimit në themel ndaj tij, duke deklaruar se pret një përballje ligjore ku, do të dalin në pah faktet dhe provat në favorin e tij.
INTERVISTA E PLOTË:
Pyetje: Ndërkohë në 27 Prill nis gjykimi në themel kundër jush. Cilat janë pritshmëritë tuaja?
Së pari, shpreh keqardhjen për zvarritjen e hetimeve, por edhe të gjykimit në seancë paraprake, por kjo ka ndodhur qëllimisht nga prokurorët që kontrollojnë jo vetëm hetimet, por siç dihet edhe gjykatën.
Këto hetime kanë nisur që në 2018-tën, pas një kallëzimi të rremë të bërë kundër meje dhe gjashtë personave të tjerë për çështjen e stërgjykuar këtu, por edhe në Arbitrazhin e Vjenës, për CEZ- DIA, e cila nuk ka asnjë lidhje me mua.
Prokurorët i kanë ditur mirë piruetat e kallëzuesit indirekt, pasi nuk ka asnjë dëshmi të drejtpërdrejtë, por i referohet të tretëve si Z. Elvis Mataj që i ka përgënjeshtruar para prokurorëve të gjitha gënjeshtrat ndaj meje që kallëzuesi i atribuon Elvisit si krahu i djathtë i Z. Kastriot Ismailaj te drejtimi i DIA-s.
Po kështu, prokurorët i dinë se i kanë në fashikuj të gjitha piruetat e kallëzuesit, sa nga DIA ku ka qenë njeri i besuar i Ismailaj e deri kundër Ismailaj, pasi ky i fundit, siç ka dëshmuar në prokurori , nuk ka pranuar të paguajë gjobë 750 mijë euro ose 500 mijë euro, për dëshmi në favor të tij.
Prokurorët e dinë se kallëzuese bashkë me Z. Mataj, kanë qenë disa herë në Vjenë bashkë me Z. Ismailaj te studio e tij e avokatisë, ku është regjistruar edhe dëshmia pro DIA-s dhe Z. Ismailaj nga avokati austriak dhe këto janë paraqitur në Arbitrazh në Vjenë.
Po kështu, kallëzuesi në cilësinë e personit në dijeni, si drejtor i DIA-s ka dhënë disa dëshmi si para prokurorisë këtu apo edhe në Arbitrazh, ku asnjëherë nuk e ka përmendur emrin tim, por ka theksuar se Kastrioti ishte i lidhur me amerikanët siç është edhe e vërteta e provuar botërisht, e cila kulmoi me shkarkimin e Z. Ismailaj nga administrator i DIA-s nga Znj. Rebeca Gaskin në QKR, e cila ishte edhe këshilltare e DIA-s mëmë (ose DIA e Uashingtonit) siç i referohet Hejsek i CEZ-it në dëshminë e tij nën betim, dhënë Prokurorisë së Tiranës, më 20 Dhjetor 2011.
Po kështu, dihet se ajo ishte një nga tre aksionerët amerikanë të DIA-s, siç provohet edhe nga e-mailet e 10 Dhjetorit 2010 dhe 18 Janarit 2011, dërguar nga Elvis Mataj për Hejsek, por edhe nga Hejsek për CEZ në Pragë.
Atëherë lind pyetja, pse u “kujtua” kallëzuesi në tetor 2017 të kallëzojë Ilir Metën, por edhe persona të tjerë që i kishte kallëzuar edhe më parë për cështje të tjera.
Është e qartë se atëherë i duhej Edi Ramës, pasi Ilir Meta jo vetëm ishte bërë President i Republikës, por Ramës i duhej ta vinte nën presion që të noterizonte shkeljet e vendimit të Gjykatës Kushtetuese për çështjen e detit me Greqinë.
Ndaj urdhëroi punonjësin e OSHEE-së në atë kohë, të shpifte për Ilir Metën, bazuar mbi “thashetheme” të dëgjuara nga të tjerët.
Dhe jo vetëm kaq, por kallëzuesi ishte vënë në presion nga drejtësia në 2016- tën pas një kallëzimi të bërë për dhunë në familje, që natyrisht Rama do ta përdorte si element shtesë shtrëngues ndaj kallëzuesit për disa vite.
Këto fakte do bëhen të ditura gjatë gjykimit në themel, sepse janë shumë thelbësore për të kuptuar mungesën e personalitetit të kallëzuesit nga të gjithë, përveç prokurorëve të Ramës.
Ndërkohë, pyetja kyç për aferën e CEZ-it duhet të jetë: Ç’bëhet me padinë zyrtare të bërë nga Kontrolli i Lartë i Shtetit kundër
Edi Ramës për faljen e 479 milionë eurove CEZ-it?
A është thirrur ndonjëherë KLSH në cilësinë e kallëzuesit nga prokurorët?
A vazhdon ky hetim?
Apo është mbyllur?
Nëse po, kur është mbyllur?
Po prokurori që e ka mbyllur apo e heton, cili është?
Çfarë veprimesh hetimore ka bërë?
Mos rastësisht është ndonjë nga ata që morën përsipër çështjen CEZ-DIA në vitin 2019 e që “rastësisht” u bënë drejtues të SPAK njëri pas tjetrit?
Mos jemi në rastin e konfliktit të interesit për këtë prokuror?
Si mund të injorohet një institucion kushtetues si KLSH që pas auditimit të bërë, ka bërë kallëzim penal për një dëm kolosal prej 479 milionë eurosh dhe të merret “seriozisht” një kallëzues indirekt që kalon sa nga prehëri i DIA-s te ai i OSHEE vetëm për prishje interesash e pazaresh, siç provojnë dëshmitë zyrtare.
S'i kanë parë fotot treshe dhe dyshe në Vjenë në Mars 2014 këta prokurorët?
Apo kallëzimin për dhunën në familje që i është bërë “kallëzuesit” tim?
Nëse do ishin minimalisht seriozë, prokurorët do i bënin një ekzaminim mjekësor për gjendjen mentale para se ta merrnin seriozisht.
Por kur të urdhëron Partia nga Asambleja nuk ke kohë të bësh këto veprime profesionale dhe të përgjegjshme.
Madje nga nxitimi edhe urdhrin e rrëmbimit e firmos mbi një ligj që nuk ekziston, sepse ishte shfuqizuar që në 2020, siç e ka konstatuar edhe Avokati i Popullit.
Aq më tepër duhej vepruar me urgjencë për t’i hapur rrugën Edi Ramës të rrëmbente 83 mandate që ta bllokojë edhe drejtësinë e kapur prej tij.
Ndaj po shkojmë drejt një procesi 100% politik kundër Ilir Metës, siç do të provohet në çdo seancë të gjykimit me themel.
Me një akuzë të mbushur me falsifikime, mashtrime dhe hamendësime militantësh.
Qëllimisht prokurorët nuk kanë bërë shumë veprime hetimore të domosdoshme pasi u interesonte të linin sa më shumë mjegull në akuzë, sepse të gjitha provat dhe faktet janë në favorin tim.
Ata kanë keqpërdorur mesazhe telefonike të përzgjedhura të të pandehurve të tjerë për të më implikuar mua vetëm mbi hamendësime haluçinante dhe mashtrime.
Ndërkohë që në të gjitha episode del i implikuar Edi Rama si Kryeministër edhe te UNIFI apo Ligji i Minierave i propozuar për ndryshim nga deputetja e tij dhe i votuar dhe i mbrojtur nga vetë Edi Rama.
Ndaj ka arsye serioze që të thirret si dëshmitar në gjykatë për veprimet e tij dhe dijenitë e tij për këto episode.
Në akuzën ndaj meje, e vetmja çështje që nuk ka nevojë të përfshihet Rama është ajo e lobimeve.
Për më tepër që i mjaftojnë çështjet e tij të lobimeve që kanë shkaktuar edhe viktima në SHBA, si McGonigali apo Bilali.
Me që ra fjala, a vazhdon hetimi për McGonigal këtu?
Ndërsa çdo pretendim i prokurorëve ndaj meje është mashtrim i qëllimshëm, pasi nuk ekziston asnjë veprim i parregullt nga ana ime apo asnjë dijeni për veprime të parregullta të cilitdo në Shqipëri apo SHBA.
Kontrata LSI-GSIS ka qenë shumë preçize për të parandaluar çdo shkelje ligji e nëse ka një të tillë kjo mund të provohet menjëherë se cila palë dhe cili (cila) individ mund ta ketë bërë këtë shkelje në SHBA apo Shqipëri.
Kurrë mos prisni që një autoritet gjyqësor amerikan të gjejë një shkelje ligji nga Ilir Meta, se kurrë s’ka ekzistuar një e tillë e s’do ekzistojë.
Ndërsa Edi Rama përmendet 14 herë në procesin gjyqësor kundër McGonigalit dhe këtu na mban fjalime për drejtësinë.
Pyetje: Edhe pse po nis gjykimi në themel, ju vazhdoni në paraburgim prej 18 muajsh. Si do ndikojë kjo në gjykim?
Rrëmbimi im kriminal nuk ndodhi rastësisht para zgjedhjeve parlamentare.
Po kështu, zvarritja e hetimeve dhe vet gjykimit të seancës paraprake.
Ky proces gjykimi në themel nis para zgjedhjeve vendore të 2027.
Fakti që izolimi im është i pangjarë edhe në Rusinë e Putinit për kundërshtarët e tij, është tregues i shtetit personal, hakmarrës të Edi Ramës dhe bandës sorosiste që ka kapur për fyti drejtësinë dhe çdo pushtet tjetër.
Prej 10 muajsh nuk më japin as vendimin e dënimit nga Komisioni Disiplinor i IEVP “Jordan Misja” që ta di për çfarë jam dënuar dhe se çfarë shkelje kam bërë.
Fakti që nuk lejojnë asnjë gazetar të më intervistojë se nuk paska kushte këtu në mes të Tiranës, ndërsa në burgjet e Siberisë kishte kushte për Navalnyn e Khodorkovskin të flisnin për mediat ndërkombëtare tregon se, ç’regjim i neveritshëm e burracakësh është ky i sektit rilindas, që tmerrohet edhe nga fjala e Ilir Metës.
Të gjitha përpjekjet e tyre do të dështojnë me turp, sepse fuqia e patriotëve nuk ka kufij si vetë dashuria dhe besnikëria jonë ndaj Shqipërisë.
Nuk jemi në një situatë surprizë, pasi e kam paralajmëruar dhe denoncuar prej kohësh grushtin e shtetit që po ndodh çdo ditë, pa tanke, por me ligje mbi Kushtetutën, vendime mbi ligjet dhe urdhëra mbi vendimet.
Rama investoi çdo gjë për kapjen antikushtetuese të Reformës në Drejtësi, duke korruptuar drejtuesit e opozitës që dorëzuan mandatet dhe bashkitë, që bojkotuan Reformën në Drejtësi gjatë zbatimit e plotë marrëzi të tjera.
Ndaj jemi në një situatë të pangjashme.
Rama korruptoi McGonigalët, pra “arbitrat” dhe “garantët”.
Por numërimi mbrapsht i ka filluar dhe nuk ndalet më.
Le të korruptojë sa të dojë njerëz të dobët nga Opozita.
Korrupsioni nuk do të jetë zgjidhja dhe shpëtimi i tij, por makthi i pambarimtë.
Ndaj kjo betejë do bëhet pa kompromis se është ekzistenciale për Shqipërinë dhe kombin tonë, që kurrë nuk ka njohur një tradhëtar më të neveritshëm të interesave kombëtare në historinë e tij.
Edhe fondet e IPARD-it i vodhi dhe i çoi te inceneratori ky bandit i paskrupullt qëka braktisur qëllimisht fermerët shqiptarë për t’i falimentuar e shpopulluar vendin, për interesin e tij dhe pengmarrësve të tij./syri
Në Shqipëri u shënuan përplasje gjatë protestave kundër qeverisë në kryeqytetin e vendit, Tiranë. Opozita kërk...
Presidenti i Partisë së Lirisë, Ilir Meta, në një intervistë ekskluzive për Syri.net komenton zhvillimet më të fund...
Deputetja demokrate, Jorida Tabaku ka reaguar përmes një videoje në rrjetet sociale mbi rritjen e çmimit të karburanteve, duke theksu...
Shqipëria vend ideal për puntorët indianë. Kështu tha në një deklaratë për mediat ambasadori i Indisë në ...
Kreu i Partisë Demokratike, Sali Berisha ka reagua lidhur me dhunën e ushtruar ndaj protestuesve të opozitës. Lideri i opozitës sh...
Kreu i Partisë Demokratike, Sali Berisha, nga Spitali i Traumës zbuloi dje gjendjen e anëtarit të Këshillit Kombëtar të Parti...
Nga QSUT kreu i PD Sali Berisha dënoi dhunën e policisë ndaj protestuesve. Berisha vizitoi mbrëmjen e sotme deputetë e qytetarë q&...
Ajo që po ndodh në Shqipëri duket se po shihet me lupë në Bruksel. Është tashmë e qartë se bllokimi i imunitetit t&...
Ministri i Brendshëm, Besfort Lamallari, ka përgëzuar Policinë e Shtetit për, siç u shpreh ai, reagimin profesional, vetëp&...
Kreu i PD Sali Berisha paralajmëroi se protestat nuk do të ndalen. Ai theksoi se shumë shpejt do të njoftohet edhe data e radhës. Nd&e...
