Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
POLITIKE
“Ministrja thotë e dua të mbyllur sot”/ Del videoja skandaloze se si Xhaçka jep pronat e ushtrisë për oligarkë. Si u shpërblye nga PS gjenerali i kthyer në ushtar
PiranjatPërditësimi i fundit 14 Shtator 2025, 08:40
Pronat e ushtrisë por jepen një e nga një për oligarkët në zonat më të lakmuara në vend.
Avokati Arben Llangozi ka publikuar një video, ku shihet hapur se ish-ministrja e Mbrojtjes, Olta Xhacka, aktualisht deputete e Partisë Socialiste dhe e akuzuar jo pak nga opozita, ka urdhëruar kalimin e pasurisë së ushtrisë drejt biznesmenëve pranë qeverisë.
Sipas Llangozit, gjenerali që zbatoi urdhërin e Xhaçkës, Bardhyl Kollçaku është shpërblyer me një karrige deputeti. Deri më tani nga SPAK, nuk ka asnjë lëvizje për këtë edhe pse janë 5 vite që është hapur si hetim.
Postimi i Plotë:
Një video tronditëse hedh poshtë çdo alibi të SPAK-ut. Në këtë material të qartë, shihet hapur se ish-ministrja e Mbrojtjes, Olta Xhacka, ka urdhëruar mbylljen e procedurave ligjore dhe kalimin e pasurisë së ushtrisë drejt oligarkëve të lidhur me pushtetin. Ky akt kriminal nuk është thjesht abuzim me detyrën, por një shkelje flagrante e Kushtetutës dhe një tradhti e pastër ndaj interesave kombëtare.
Por skandali nuk mbyllet këtu. Bardhyl Kollçaku, i vetëshpallur gjeneral, jo vetëm që firmosi shkatërrimin e pronës së ushtrisë, por mori shpërblimin e turpshëm, një mandat deputeti. Pra, pasuria e shqiptarëve u shit, marina u dorëzua, dhe Kollçaku u ble me karrige politike.
Në historinë botërore, gjeneralët kujtohen për beteja të mëdha, për sakrifica dhe për humbje jetësh në mbrojtje të atdheut, por gjenerali ynë, Bardhyl Kollçaku, nuk do të mbahet mend për trimëri apo kontribute ushtarake, ai do të hyjë në histori si gjenerali i oligarkëve, njeriu që tradhtoi kombin shqiptar duke shitur pasuritë e ushtrisë dhe duke i kthyer në plaçkë pushteti për interesat e ngushta të politikës dhe biznesit të lidhur me të.
Por çfarë ka bërë SPAK? Pesë vite “hetim” dhe asnjë vendim, asnjë arrestim, asnjë përgjegjësi! Heshtja e SPAK-ut është bashkëpunim në krim dhe turp për drejtësinë shqiptare.
Kjo video është prova që duhet të çonte pas hekurave Xhackën, Kollçakun dhe gjithë zinxhirin politik-ushtarak që shiti pasuritë e vendit te oligarkët. Çdo ditë që kalon pa arrestime, është një dëshmi tjetër se drejtësia në Shqipëri është e kapur, e shitur dhe e gjunjëzuar para pushtetit dhe parasë.
