Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Nën hetim për falsifikimin e diplomës/ Këlliçi pas daljes nga SPAK: Edukimi im është arma ime më e fortë! Shkoni pyesni në Harry Fultz
n.fPërditësimi i fundit 26 Dhjetor 2024, 16:59
Këlliçi
TIRANË- Drejtuesi politik i Qarkut Tiranë për PD-në, Belind Këlliçi është paraqitur ditën e sotme. Pasi ka qëndruar për më pak se një orë në ambientet e SPAK, Këlliçi ka folur para mediave. Ai u shpreh se sot dha sqarimet e tij në raport me të gjitha shpifjet e hedhur ndaj tij për shkak se ka rrëzuar një skemë korruptive me vlerë 1 mld euro, atë të inceneratorit të Tiranës dhe ka rrëzuar bandën më të madhe të hajdutëve që ka parë Ballkani Perëndimor, 5D.
Këlliçi shtoi se është i hapur në ë dispozicion të drejtësisë për çdo pyetje. Ai foli edhe për hetimet ndaj tij për falsifikimin e diplomës. Këlliçi u shpreh arsimi dhe edukimi është krenaria e tij më e madhe. Ai theksoi se ka ndjekur ligjin amerikan në çdo praktike që ka ndjekur. Sipas tij ai është një nga krenaritë e Institutit Harry Fullz dhe për këtë mund të pyesin aty për të.
"Kam dhënë sqarimet e mia në raport me të gjitha shpifjet e hedhur ndaj meje për shkak se kam rrëzuar një skemë korruptive me vlerë 1 mld euro, atë të inceneratorit të Tiranës dhe kam rrëzuar bandën më të madhe të hajdutëve që ka parë Ballkani Perëndimor, 5D.
Jam i hapur në dispozicion të drejtësisë për cdo pyetje, sqarim në raport me mua, familjen time apo këdo që është i lidhur me mua nga dita që kam lindur deri më sot. Kushdo që ka diçka në raport me mua, me deklaratat e mia, të nxjerrë fytyrën ballë për ballë, ashtu sic e kam nxjerrë unë.
E kam sqaruar para mediave, e kam sqaruar edhe sot në SPAK, kjo është një çështje që është ezauruar nga mediat në fushatë elektorale dhe nuk kam ndërmend që të jap më sqarime. Arsimi dhe edukimi im është krenaria ime më e madhe. Kam ndjekur ligjin amerikan në cdo praktike që kam ndjekur. Jam një nga krenaritë e Institutit Harry Fullz, mund të shkoni të pyesni aty kush jam unë. Mund të shkoni edhe në shkollën 8 vjecare.
Po jua them, edukimi im është arma ime më e fortë dhe krenaria më e madhe e jetës time. Nëse keni interes për korrupsionin që ndodh cdo ditë, një nga krenaritë e mia më të mëdha është denoncimi që kam bërë për 5D dhe inceneratorin e Tiranës.
Kush mendon se do të më intimidojë në rrugëtimin tim, të më dalë ballë për ballë. Më është kërkuar që për disa detaje të hetimit mos të shprehem publikisht Për patnerent time që unë dal në media dhe thotë që nuk bashkëjetoj me të. Për Trump, jam pyetur që paskam paguar mijëra euro për të bërë një foto me Donald Trump, le të pyesin Trump," tha ai.
