Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
“Opozita nuk heq dorë nga protestat”, Bozdo: Duhet të vrasim frikën! Ish-ministres së Jashtme i çuan aradhën me inspektime se bëri dy status
PiranjatPërditësimi i fundit 22 Prill 2026, 16:14
Deputeti i Partisë Demokratike, Enno Bozdo ka deklaruar se opozita do të vijojë me protesta dhe presion politik, duke e cilësuar këtë si strategjinë e vetme përballë qeverisë.
Bozdo theksoi se opozita nuk mund të tërhiqet nga aksioni i saj. “Nuk mund të heqim dorë nga protestat. Strategjia jonë është këmbëngulja. Regjime të tilla nuk bien me një të rënë të sëpatës,” u shpreh ai.
Ai shtoi se nuk ka ende sinjale zyrtare për një qeveri teknike, por opozita do të jetë e gatshme nëse kjo do të ndodhë.
“Nuk kemi sinjale zyrtare për qeverinë teknike, por kur të vijnë do jemi atje. Opozita ka detyrë të qëndrojë përballë këtij regjimi,” deklaroi Bozdo.
Duke komentuar zhvillimet e fundit, ai përmendi edhe sekuestrimet e pasurive, duke ngritur pikëpyetje mbi deklaratat e mëparshme të kryeministrit Edi Rama mbi ish-drejtoreshën e AKSHI-t, Mirlinda Karçanaj.
“40 milionë euro pasuri u sekuestruan dje, mes tyre një person që Edi Rama tha se jetonte në shtëpi me qira. Po ashtu mbi 1 milion euro verëra të Ergys Agasit,” tha ai.
Bozdo theksoi se opozita ka detyrë të jetë aktive në çdo hapësirë politike dhe publike.
“Opozita ka detyrë të bëjë opozitë në çdo hapësirë dhe çdo dritare që ka, kudo që ka një mundësi në këtë situatë që ka krijuar Edi Rama me shoqërinë shqiptare, jemi të destinuar të jemi atje,” u shpreh ai.
Ai pranoi gjithashtu se opozita duhet të reflektojë për rolin e saj, duke theksuar se nuk do të ishte efektive nëse do të hiqte dorë nga reagimi.
“Nuk mendoj se e kemi bërë punën mirë si opozitë nëse heqim dorë nga këto gjëra. Ne do japim shansin të heqin dorë nga frika,” tha deputeti.
Po ashtu, Bozdo ngriti shqetësimin për presion ndaj zërave kritikë ndaj qeverisë, duke përmendur rastin e ish-ministres Elisa Spiropali.
“Kur i ndodh ish-ministres së jashtme se bëri dy statuse, i çuan aradhën me inspektime. E dini mirë çfarë ndodh me mediat. Kjo është shkalla që përjeton shoqëria sot. Opozita nuk mund të heshtë,” përfundoi ai.
