Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Paditi Shehajn në GJKKO për shpifje, Lapaj: Sulmi i tij ndaj meje ishte më i madh se ndaj atyre që kanë vjedhur Shqipërinë në 34 vite
r.llPërditësimi i fundit 1 Prill 2025, 18:29
shehaj, lapaj
TIRANË- Kreu i partisë “Shqipëria Bëhet” Adriatik Lapaj ka paditur për shpifje sot në SPAK, kreun e Partisë “Mundësia” Agron Shehaj. Lapaj ka depozituar gjatë ditës së sotme dosjen e kallëzimit të tij në GJKKO.
Në një postim në Facebook ku ka publikuar edhe padinë ndaj Shehajt, shprehet se këtij të fundit i ka shtrirë dorën e bashkëpunimit për 8 muaj, por sipas tij në këmbim ka marrë shpifje. Lapaj shprehet se sulmi i Shehajt ndaj tij ishte edhe më i madh se ndaj atyre që "e kanë vjedhur Shqipërinë 34 vite".
Më tej shkruan se luftën e ka me sistemin dhe pushtetin, por thotë se kushdo e sulmon duke shpifur do të marrë përgjigjen rast pas rasti.
POSTIMI I PLOTË:
Prej fillimit të muajit shkurt deputeti Agron Shehaj ka nisur një seri shpifjesh dhe fyerjesh ndaj meje.
Kam ruajtur qetesinë sepse nuk kam dashur të replikoj modelin e së shkuarës.
Kam pritur që Z. Shehaj të reflektonte sepse në krye të herës kam menduar se duke mos qenë njohës i fushës e kishin futur në qorr sokak, por nga java në javë dëshmoi se ishte plotësisht në keqbesim.
I shtriva dorën e bashkëpunimit Z. Shehaj për 8 muaj, por mora pas baltë dhe shpifje. Sulmi i tij ndaj meje ishte aq i madh sa nuk e kemi parë ta bëjë as ndaj atyre që e kanë vjedhur Shqipërinë 34 vite.
Unë nuk kthehem pas. Luftën e kam me sistemin dhe pushtetin, por kushdo më sulmon duke shpifur apo çdo mënyrë tjetër do marrë përgjigjen rast pas rasti.
