Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Pensionistët shqiptarë sot janë më të varfër se në vitin 2013", Blushi: Buxheti 2025 është buxheti i thellimit të varfërimit!
n.fPërditësimi i fundit 13 Nëntor 2024, 18:36
Blushi
TIRANË- Sekretari i Përgjitshëm i Partisë së Lirisë, Tedi Blushi ka mbajtur një konferenë për mediat pasditen e sotme. Gjatë fjalës së tij Blushi tha se buxhetin e 2025 është qartësisht buxheti kundër 791 mijë pensionistëve të cilët vitin e ardhshëm do të diskriminohen, do të përjashtohen dhe do jenë edhe më të varfër se këtë vit. Ai shtoi se buxheti 2025 është buxheti i thellimit të varfërimit dhe mjerimit të pensionistëve, që sot mezi shtyjnë javën dhe jo më muajin, për shkak se fondi për politika të reja pensionesh për vitin 2025 parashikohet vetëm 1.6 miliard lekë ose rritje me 0.9% të fondit total të sigurimeve shoqërore.
Sipas Blushit, pensionistët shqiptarë që sot janë më të varfër se në vitin 2013 kur “Rilindja” erdhi në pushtet dhe se vitin e ardhshëm do të jenë edhe më të varfër sepse mbështetja me 170 lekë në muaj kur niveli inflacionit është parashikuar në 3%. Blushi theksoi se kjo nuk është gjë tjetër veçse tallje dhe poshtërimi më i madh që i bëhet kategorisë më të varfër, por aq shumë ka kontribuar për zhvillimin e vendit. Ai shtoi se çdo pensionist duhet ta dijë se Qeveria e Edi Rama në buxhetin e vitit 2025 parashikon për ta vetëm 170 lekë mbështetje në muaj, e përsëris vetëm 170 lekë në muaj. Blushi shtoi se Kosova me buxhet 2.3 herë më të vogël se Shqipëria, me vendimin e miratuar tashmë do të rritë me 20% pensionet.
Nuk ka tregues më të vërtetë se sa pensionet për të kuptuar batërdinë që Edi Rama dhe “Rilindja” kanë bërë me taksat e shqiptarëve në 11 vite në pushtet dhe veçanërisht korrupsionin e përbindshëm që parashikon të realizojë në kurriz të pensionistëve dhe të të gjithë qytetarëve vitin e ardhshëm, duke vijuar pagesat e çmendura për PPP-të, koncensionet korruptive, inceneratorët, tenderat sekretë dhe rrugët e florinjta.
Buxheti i vitit 2025 është qartësisht buxheti kundër 791 mijë pensionistëve të cilët vitin e ardhshëm do të diskriminohen, do të përjashtohen dhe do jenë edhe më të varfër se këtë vit. Buxheti 2025 është buxheti i thellimit të varfërimit dhe mjerimit të pensionistëve, që sot mezi shtyjnë javën dhe jo më muajin, për shkak se fondi për politika të reja pensionesh për vitin 2025 parashikohet vetëm 1.6 miliard lekë ose rritje me 0.9% të fondit total të sigurimeve shoqërore.
Kjo do të thotë se pensionet nuk do të rriten as 1% kur vetëm niveli i inflancionit i parashikuar për vitin 2025 është 3%. Buxheti i vitit 2025 është tregues real i mashtrimit të radhës të Kryeministrit mbi premtimin se do të ketë indeksim të plotë për çmimet dhe një rritje për shkak të rritjes reale të ekonomisë për pensionistët.
Pensionistët shqiptarë që sot janë më të varfër se në vitin 2013 kur “Rilindja” erdhi në pushtet, vitin e ardhshëm do të jenë edhe më të varfër sepse mbështetja me 170 lekë në muaj kur niveli inflacionit është parashikuar në 3%, nuk është gjë tjetër veçse tallje dhe poshtërimi më i madh që i bëhet kategorisë më të varfër, por aq shumë ka kontribuar për zhvillimin e vendit.
Qeveria do të duhet të konsideronte në rritjen e pensioneve rritjen reale ekonomike në periudhën 2013-2023 përfshi dhe rritjen e vitit 2024 në masën 40.8%, si dhe indeksimin e pensioneve në rreth 43% për të mbuluar rritjen e çmimeve, përfshi të atyre ushqimore për periudhën deri në shtator të vitit 2024. Në total indeksimi dhe rritja reale e pensioneve do të duhej të ishte në masen 84% deri në fund të vitit 2024 krahasuar me fundvitin 2013.
Kjo do të thotë që aktualisht në zonat urbane pensioni mesatar i pleqërisë do të duhej të ishte në nivelin 28,638 lekë në muaj kur ndërkohë është 19,092 lekë në muaj. Ndërsa në zonat rurale pensioni i pleqërisë aktualisht do të duhej të ishte në nivelin 17,256 lekë në muaj kur ndërkohë është 11,504 lekë në muaj.
Qeveria i ka borxh secilit pensionist në zonat urbane mesatarisht në çdo muaj 9,546 lekë dhe në zonat rurale në 5,752 lekë për shkak të mos indeksimit të plotë mbi bazën e inflacionit të artikujve ushqimore dhe rritjes së munguar të pensionit nga rritja ekonomike. Dhe vitin e ardhshëm ky borxh do të thellohet edhe më shumë.
Në raport me masën e pensionit, pritet gjithashtu të thellohet ndjeshëm edhe diferenca në raport me vendet e rajonit, që edhe aktualisht është shumë e madhe. Masa e pensionit mesatar të pleqërisë urbane dhe rurale aktualisht në Shqipëri është 170 Euro, ndërsa në Kosovë është 340 Euro, në Malin e Zi është 450 Euro, në Maqedoninë e Veriut është 325 Euro dhe në Serbi është 390 Euro.
Çdo pensionist duhet ta dijë se Qeveria e Edi Rama në buxhetin e vitit 2025 parashikon për ta vetëm 170 lekë mbështetje në muaj, e përsëris vetëm 170 lekë në muaj. Ndërkohë Kosova me buxhet 2.3 herë më të vogël se Shqipëria, me vendimin e miratuar tashmë do të rritë me 20% pensionet.
Pra ndërsa mirëqenia e pensionistëve në Kosovë do vazhdojë të rritet, varfëria e pensionistëve në Shqipëri do të vazhdojë të thellohet. Partia e Lirisë i është përulësisht mirënjohës brezit, që ka bërë kaq shumë për Shqipërinë ndaj dhe dyfishimi i pensioneve është jo vetëm një nga 5 Prioritetet tona madhore, por një domosdoshmëri.
Partia e Lirisë nesër në qeverisje do të bëjë të mundur:
1. Dyfishimin e pensioneve dhe rritjen e tyre të barabartë me mesataren e rajonit, bazuar në nivelin e rritjes reale ekonomike.
2. Indeksimin e plotë të masës së pensioneve duke e llogaritur indeksimin mbi bazën e inflacionit të artikujve ushqimorë.
3. Indeksimin e shpeshtë brenda vitit të masës së pensioneve në rastet e krizave apo pandemive për shkak të rritjes së shpejtë të çmimeve.
Ne angazhohemi gjithashtu për: Mbulimin e plotë financiar të të gjithë barnave, që përdoren nga pensionistet dhe të përshkruara me recetë mjekësore. Mbulimin e të gjitha shërbimeve mjekësore dhe të infermierisë në banesë për të pensionistët me probleme shëndetësore. Dhënien e shërbimit mjekësor me prioritet për pensionistët për evitimin e pritjeve të gjata në qendra shëndetësore apo spitale.
Sigurimin e shërbimeve mjekësore pa pagesë për rehabilitimin dhe fizioterapinë për pensionistët me sëmundje invalidizuese.Sigurimin pa pagesë të materialeve mjekësore të trajtimit të pacienteve pensionistë në banesë si dhe artikujve mjekësore (paterica, karroca, shtreter ortopedike), që mundësojnë lëvizjen dhe pavarësimin jetësor të pensionistëve. Zbatimin e detyruar të protokolleve të geriatrisë në qendrat shëndetësore për pacientët pensionistë.
