Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
POLITIKE
Pezullimi i Ballukut nga detyra, CNN grek: BE i kërkon Shqipërisë të luftojë korrupsionin në këmbim të anëtarësimit!
PiranjatPërditësimi i fundit 20 Nëntor 2025, 20:49
Shkarkimi i zv.kryeministres Belinda Balluku ka bërë jehonë dhe në mediat greke. CNN. Gr thekson se BE po i kërkon Shqipërisë më shumë për luftën kundër krimit dhe korrupsionit.
Shkrimi i plotë:
Një gjykatë shqiptare hoqi sot, e enjte më 20 nëntor, nga detyra zëvendëskryeministren Belinda Balluku, pas akuzës se zgjodhi një kompani të caktuar për ndërtimin e një tuneli me fonde shtetërore.
Nuk pati reagim të menjëhershëm nga Balluku, por dje në Kuvend ajo i quajti këto akuza fushatë baltosjeje, insinuata, gjysma të vërtetash dhe gënjeshtra dhe deklaroi se do të bashkëpunojë plotësisht me drejtësinë.
Balluku, e cila ka qenë edhe ministre e Infrastrukturës dhe Energjisë, është aleate e ngushtë e kryeministrit Edi Rama, i cili më herët gjatë këtij viti siguroi mandatin e katërt radhazi.
Gjykata Speciale, e ngarkuar me luftën kundër korrupsionit dhe krimit të organizuar, nuk dha më shumë informacion për vendimin, meqenëse masa të tilla janë konfidenciale.
Më 31 tetor, Prokuroria Speciale SPAK njoftoi se i ka ngritur akuzë Ballukut për veprën penale të shkeljes së barazisë së pjesëmarrësve në tendera ose ankande publike. Akuzat lidhen me ndërtimin e një tuneli 5,9 km të gjatë në jug të Shqipërisë, me kosto rreth 190 milionë euro.
Aktakuza, të cilën e ka parë Reuters, thekson se Balluku, në cilësinë e ministres së Infrastrukturës, ndikoi në mënyrë të padrejtë në favor të kompanisë fituese. Në aktakuzë thuhet gjithashtu se Balluku veproi në këtë mënyrë në bashkëpunim me pesë anëtarë të tjerë të komisionit që mori vendimin.
Shqipëria synon të anëtarësohet në Bashkimin Evropian deri në vitin 2030, por BE-ja i kërkon vendit të bëjë më shumë për luftën kundër krimit dhe korrupsionit.
