Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Platforma së shpejti publike"/ Florian Binaj takim me frontin opozitar: Në fushatë, do jem pa përfaqësimin e kryetarëve
PiranjatPërditësimi i fundit 21 Tetor 2025, 12:18
Kandidati i pavarur për Bashkinë e Tiranës i mbështetur nga fronti opozitar, Florian Binaj, ka zhvilluar daljen e tij të parë publike pas zyrtarizimit të kandidaturës, duke organizuar një takim me përfaqësuesit dhe koordinatorët e partive të opozitës.
Në një prononcim për mediat pas takimit, Binaj e cilësoi "shumë të frytshëm" dhe nënvizoi se ky ishte hapi i parë i një serie takimesh që synojnë një koordinim më të mirë për fushatën e tij.
Ai bëri thirrje për një angazhim të gjithanshëm, duke u drejtuar qytetarëve të Tiranës, pa dallim partie, që t’i bashkohen "Kjo është një çështje që u përket të gjithë qytetarëve, përtej bindjeve politike", tha ai.
Lidhur me platformën për kryeqytetin, Binaj theksoi se është duke punuar me një ekip jopartiak dhe se programi do të prezantohet në kohën e duhur, pasi siç u shpreh ai, "gjërat që duan të bëhen mirë kërkojnë kohë".
Ndërsa në lidhje me kontaktet me liderët e partive të opozitës, ai u pyet për mundësinë e një takimi me kreun e Partisë Demokratike, Sali Berisha, dhe u përgjigj se nuk ka pasur ende një komunikim. Binaj shtoi se strategjia e tij e fushatës është që të qëndrojë larg pranisë së kryetarëve të partive politike, por mbetet "absolutisht i gatshëm të takohet me çdo kryetar të partive të opozitës".
Përshëndetje të gjithëve. Faleminderit që keni ardhur. Sot u zhvillua takimi i parë me përfaqësuesit, të dërguarit dhe koordinatorët e partive të opozitës. Edhe ishte një takim shumë i frytshëm dhe besoj është takimi i parë i një serie takimesh që na pret në ditët në vijim, për t'u koordinuar edhe më mirë me njëri-tjetrin.
Mesazhi im është që ne jemi të gjithë së bashku dhe unë si kandidat i pavarur, falë mbështetjes së të gjitha partive të opozitës, i bëj thirrje të gjithë qytetarëve që të na bashkohen pa dallim partie, pa dallim, pa dallime të tjera, sepse kjo është një çështje që i vlen shumë të gjithë qytetarëve, ky, ky moment.
Jemi duke punuar me një ekip jopartiak që brenda një kohe të duhur, sepse gjërat për t'u bërë mirë duan kohën e tyre, të dalim dhe të tregojmë këtë program për të gjithë qytetarët.
Nuk kam folur me zotin Berisha, por dhe kam thënë që në daljet në terren, në fushatë, do jem pa përfaqësimin e kryetarëve, por absolutisht jam i gatshëm të takoj çdo kryetar të partive të opozitës.
Ky bashkim që po ndodh tani, me të gjithë përfaqësuesit e partive, është një tregues i jashtëzakonshëm i asaj që pritet të ndodhë.
Më pëlqejnë këto pyetjet që vijnë nga, nga ABC-ja. Unë jam, siç e thashë, jam një kandidat i pavarur, i mbështetur nga të gjitha partitë e opozitës. Dhe në qoftë se ju e shihni si si një lloj varësie faktin që mbështetja vjen jo vetëm nga Partia Demokratike por nga të gjitha partitë e tjera, po, jam i varur edhe nga Partia e Lirisë, jam i varur edhe nga Partia Nisma Thurje, edhe nga Shqipëria Bëhet, dhe nga Partia Agrare Ambientaliste, nga të gjitha. Kështu që... Faleminderit. Kjo ishte përgjigja ime. Faleminderit të gjithëve.
