Ndërsa kryeministri Edi Rama akuzoi publikisht algoritmin e rrjeteve sociale për nxitje të protestave, të dhënat e siguruara nga BIRN...
POLITIKE
Pritet shkarkimi i Veliajt, Zhulali: Sot provoi shijen e gjellës që gatoi vetë! E përshëndesim nëse na sheh nga burgu
PiranjatPërditësimi i fundit 23 Shtator 2025, 16:34
Këshilltarja e PD, Ilda Zhulali foli në mbledhjen e Këshillit Bashkiak të Tiranës ku po diskutohet shkarkimi i Erion Veliajt. Zhulali tha se PS nuk e lejoi të merrte pjesë në mbledhje, ndërsa po hidhte akuza ndaj kryebashkiakut.
Kryetarja e Këshillit, Megi Fino i ndërpreu fjalën duke thënë se është jashtë objektit.
Zhulali: Veliaj është gjallë, nuk ndodhet sepse ju nuk e lejuat dhe duhet sikur po i përgatisni një ceremoni funebre. Ju ja mohuat, jam e kënaqur që sot mori shijen e gjellës që ka gatuar ndër vite, këtë gjellë që ia gatuat ju sot, ta provojë Veliaj nga qelia ku është dhe nëse na ndjek e përshëndesim.
Vendimi që keni sjellë është i vonuar dhe i paplotë. Veliaj duhet të ishte shkarkuar nga detyra që në 2023, kur padrejtësisht mori detyrën.
Veliaj duhet shkarkuar për shkelje të rënda të ligjit, duke shkelur ligjin për inceneratorin, vepër që s’u ndërtua kurrë për të cilin kemi paguar qindra milionë euro. Veliaj duhet të ishte shkarkuar për shkak të aferës 5D, dosje e zezë e korrupsionit formulë mashtrimi i ndërtuar nga Veliaj dhe drejtorët. Fino: Fjala juaj është jashtë objektit dhe projektvendimit në fjalë.
