Një vatër zjarri është regjistruar pasditen e kësaj të diele pranë fshatit Humelicë në Gjirokastër.
Sipas i...
POLITIKE
Protesta masive e PD-së i prish qetësinë Ramës/ Reagon për herë të parë kryeministri
PiranjatPërditësimi i fundit 25 Janar 2026, 08:46
Kryeministri Edi Rama ka reaguar në rrjetin social X lidhur me protestën e zhvilluar një ditë më parë nga Partia Demokratike, duke e cilësuar atë si një akt dhune të organizuar dhe të papranueshëm në një vend europian.
Dhe pse vendi është i zhytur në korrupsion, kryeministri preferon t'i anashkalojë të gjitha duke u marrë vetëm me opozitën, kur në fakt opozitat në të gjithë botën protestojnë para institucioneve.
Pasi urdhëroi të emëruarin e bandave në krye të policisë që të rrahë e godasë gra dhe fëmijë që protestojnë kundër tij.
Pasi ka mbytur me gaz lotsjellës të skaduar mijëra qytetarë e punonjës të mediave që ishin në protestë Rama ka postuar një mesazh në rrjetet sociale që e paska menduar gjatë, duke fyer ata mijëra që u mblodhën në shesh kundër tij përsonalisht dhe bandës që vjedh përditë shqiptarët.
Reagimi i plotë
Ka në Europë protestues, anarkistë, ekologjistë, ekstremistë të djathtë a të majtë, studentë, anti-globalistë, tifozë huliganë, grupime lloj-lloj që dalin në rrugë për arsyet e tyre, maskohen, armatosen me molotovë dhe thyejnë e djegin, duke plagosur punonjës policie e shkatërruar prona…
Po qysh nga koha e partive famëkëqia të 100 vjetëve më parë në Gjermani e Itali, ka vetëm një parti parlamentare në Europë, që të ketë në programin e aktivitetit të saj si pjesë të pandarë të ekzistencës së vet qysh nga lindja, ushtrimin e dhunës, shkatërrimin e pronës, sulmin ndaj godinave të institucioneve, deri edhe ndaj godinës së vet, mobilizimin e paramilitarëve, të cilët deri dje ishin çeta e liderit shpirtëror, kurse tanimë janë thjesht mercenarë të rekrutuar me lekë nga rrugaçët e lagjeve, që veshin maska apo fshehin fytyrën pas tabelave për të mbaruar punë me hedhjen e molotovëve pa u identifikuar nga kamerat!
Tanimë këto farë protestash me pisllëkun që krijojnë në bulevard, ngjajnë si jashtëderdhja në rrugë e plakut të lajthitur që i organizon… Degjenerim i pandalshëm dhe dëshpërim i pangushëllueshëm!
Të shkuara punonjësve të policisë që u plagosën e lënduan nga kjo lukuni e verbër
