Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
POLITIKE
Protestat masive në Tiranë/ Rama: Kush ka dorë në këtë katrahurë do të paguajë!
PiranjatPërditësimi i fundit 15 Tetor 2026, 08:20
Kryeministri i vendit, Edi Rama ka reaguar për protestat dhe incidentet e regjistruara në Tiranë. Përmes një video të postuar në rrjetet sociale, Rama ka deklaruar se dhuna nuk përfaqëson studentët dhe duke akuzuar opozitën për nxitjen e akteve të dhunshme. Ai theksoi se qeveria është e gatshme të ulet në dialog me ta për të diskutuar kërkesat dhe problematikat që kanë nevojë për zgjidhje.
Edi Rama: Kjo nuk është dora e studenteve. Studentët janë të mirëpritur dhe për ta ne jemi gati të ulemi, të flasim dhe të diskutojmë për gjerat që kërkojnë zgjidhje., këto janë të tjera duar, duar që përpiqen ta ulin poshtë Shqipërinë. Janë duart e një opozite, e cila me maska të verbërish përpara, me zjarr dhe hekur kërkon ta rikthejë Shqipërinë, aty ku Shqipëria nuk do të rikthehet kurrë, në humnerën nga ne të gjitha bashkë e nxorëm dhe ku po e ngjisim në majën historike, në BE. Qëlloi që kjo zyrë e Kolegjit të Evropës të jetë sot simbol i gjithckaje që Tirana dhe Shqipëria panë po shohin në këto orë të vështira, por janë orë që do ti kalojmë.
Shqipëria do të vazhdojë në rrugën e saj për Evropën e të gjithë vajzave dhe djemeve të saj. Kurrë më nuk do të bjërë në ato duar që e kanë kapur opozitën shqiptare, dhe nuk do të thotë se do ta kapin për fyti Shqipërinë. Kushdo që mendon se ligji është larg, gabon. Përgjegjësia para ligjit është e gjithësecilit dhe kushdo që ka dorë në këtë katrahurë, do të paguajë.
Shqipëria nuk do të kthehet më pas, shqiptarët nuk do jenë kurrë pengje të së shkuarës dhe e kaluara që u rikthye me verbërinë e saj në këto orë në qendër të Tiranës, si një fantazmë që përpiqet të bëjë atë sa herë shqiptarët kanë dashur të ngrene kokën do të mbetet e kaluar. E ardhmja është e studenteve, e ardhmja është e Shqipërisë dhe e shqiptarëve.
