Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
POLITIKE
Rama fal ndërtuesit, por kapet me hallexhinjtë: Po s’morët hipotekë nuk do të hyni në shtëpitë tuaja
PiranjatPërditësimi i fundit 3 Tetor 2025, 11:51
Kryeministri Edi Rama foli së fundmi në lidhje ma ato që ai i quan “masat e marra nga qeveria për forcimin e kontrollit mbi territorin, mbrojtjen e hapësirave publike nga zaptuesit”.
Rama theksoi se asnjë qytetar shqiptar, që ka blerë apartament nuk do të lejohet që të hyjë në shtëpinë e tij pa hipotekë.
“Forcimi i mekanizmave të kontrollit duke përcaktuar 4 faza të detyrueshme të kontrollit nga njësitë e vetëqeverisjes vendore dhe detyrimi për dhënien e certifikatës vetëm pas kontrollit nga këto institucioneve.
Kemi shtuar detyrimin që uji dhe dritat lidhen vetëm pas marrjes së certifikatës së përdorimit.
Arsyeja pse njerëzit mbeten pa hipotekë është se ndërtuesit nuk respektojnë parametrat e lejeve të ndërtimit dhe mbikëqyrja nga bashkitë është e dobët. Kjo kthen drejtëpërdrejtë në viktimë atë që është në fakt jo vetëm i pafajshëm por edhe i zoti i investimit, qytetari që ka paguar për të pasur një shtëpi.
Nuk do të lejohet më që në godinat pallatet pa certifikatë përdorimi të lidhen uji dhe dritat, të futen njerëzit nëpër apartamente pa përfunduar siç duhet objekti dhe pa u pajisur njerëzit me hipotekë"-tha ai.
Megjithatë, vlen të theksohet se Rama nuk merret me problemin real të kësaj çështje, pra që ndërtuesit t’u japin hipotekat qytetarëve sapo hyjnë në shtëpitë e tyre, por i lejon të ndërtojnë dhe më pas pallatet quhen ndërtime pa leje.
Si gjithmonë, ai e ka fokusin te qytetarët e thjeshtë, që sakrifikojnë pafund për të blerë një shtëpi dhe thotë se nuk do i lejojë që të hyjnë në shtëpitë që i kanë blerë me djersë pa certifikatë.
