Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Rama justifikon prishjet në Theth, fajin e hedh te inspektorët
PiranjatPërditësimi i fundit 4 Shtator 2025, 22:19
Kryeministri Edi Rama ka marrë si shembull rastin e ndërtimeve pa leje në Theth për të theksuar, sipas tij, nevojën e një pakete të re ligjore që do të vendosë përgjegjësi të drejtpërdrejtë për inspektorët që “mbyllin sytë”. Rama pranoi se “gjërat ishin bërë fakt” pa dijeninë e qeverisë dhe deklaroi se të gjithë përgjegjësit lokalë janë shkarkuar, përfshirë edhe drejtorin e Shkodrës.
Kryeministri foli për “marrëzi” dhe “shkelje të ligjit”, por njëkohësisht pranoi se zinxhiri i kontrollit kishte dështuar totalisht, duke e zhveshur shtetin nga përgjegjësia e parandalimit. Rama njoftoi se operacionet për prishjet do të vijojnë “kudo” dhe paralajmëroi ndryshime në funksionimin e policive bashkiake dhe inspektoriateve.
“Në paketën e re që do të prezantojmë në javën e ardhshme ne do fusim në ligj dhe përgjegjësinë drejtpërdrejt të symbylljes. Nuk mund të thuash që isha inspektor dhe nuk e pashë. Ti do duhet të mbash përgjegjësi edhe ti ligjore që nuk e kemi sot. Këto janë sfida të cilat i kanë kaluar dhe jetojnë edhe sot edhe vende shumë të mëdha.
“Ne nuk kemi pasur dijeni për këtë. Ata që duhet të bënin këtë gjë janë shkarkuar nga puna dhe janë larguar nga të gjithë. Që nga drejtori i madh i Shkodrës”, u shpreh ai tek Opinon.
