Drejtuesi i Prokurorisë së Posaçme Klodian Braho, ka deklaruar se hetimi ndaj ish-zv.kryeministres dhe ish-ministres së Infrastruktur&eu...
POLITIKE
Rama sulmon protestuesit me raportin e AMA: Pasqyra e mjerimit intelektual të dështakzemërakëve
PiranjatPërditësimi i fundit 29 Korrik 2026, 20:20
Kryeministri Edi Rama ka sulmuar sërish protestuesit, duke iu referuar si sorra, korba dhe dështakzemërakë. Me anë të një postimi në Facebook, Rama ka publikuar të dhëna nga Autoriteti i Mediave Audiovizive që sipas tij, dëshmojnë se Shqipëria nuk mund të cilësohet si një regjim apo autokraci.
Kryeministri ka ndarë të dhënat e AMA për muajin qershor 2026, ku Partia Socialiste zë 36.05% të kohës së transmetimit në media, ndërsa opozita në tërësi 63.95%. Sipas Ramës, këto shifra hedhin poshtë pretendimet se në Shqipëri ekziston një regjim që kontrollon median.
Reagimi i Ramës:
Këto dy pasqyra, të cilat vijojnë të tregojnë me fakte kokëforta të bazuara në matje jo në perceptime, se Shqipëria nuk ka asnjë lidhje me autokracitë e me kinse regjimet - ku sorrat dhe korbat politike e mediatike e fusin përditë e përnatë me krrakrratë e tyre - vendosa t’i postoj vetëm si pasqyra të mjerimit intelektual të dështakzemërakëve, të cilët i kërkojnë papushim kudo (e sidomos te unë arsyet) pse “regjimi” nuk përmbyset, përveçse aty ku arsyeja është: Te mjerimi i tyre që sheh regjim se s’di këndim të Shqipërisë.
Sipas monitorimit të Autoritetit të Mediave Audiovizive (AMA), gjatë muajit qershor 2026, partitë politike patën në dispozicion 402.47 minuta mbulim në edicionet kryesore të lajmeve. Nga kjo hapësirë mediatike, PS mori 36.05% të kohës së transmetimit, ndërsa opozita në tërsi 63.95%.
