Banorët e Lagjes 8 në Durrës kanë denoncuar në Piranjat news, për gjendjen e rrugës pas punimeve të kryera nga Ujë...
POLITIKE
Rama thirrje shqiptarëve: Fatkeqësisht në Greqi u bë një mish mash, por shkoni merrni zarfin dhe dërgojeni në Tiranë
n.fPërditësimi i fundit 3 Maj 2025, 12:57
GJIROKASTËR- Kryeministri Edi Rama gjatë fjalës së tij në takimin përmbyllës elektoral në Gjirokastër u bëri thirrje shqiptarëve të Greqisë, të cilët ende nuk e kanë marrë zarfin me fletën e votimit për shkak të vonesave nga DHL, të shkojnë ta marrin vetë atë dhe ta dërgojnë në Tiranë.
Sipas tij në Greqi është bërë një mish mash por ai theksoi se ata kanë kohë për të marrë vendimin e tyre për ta marrë zarfin dhe për të çuar para Shqipërinë në rrugën e saj evropiane. Ai theksoi se me marrjen e pasaportës evropiane ata do të përfitojnë nga njohja e pensioneve pa patur nevojë që vendi ynë ta rrijë marrëveshje me Greqinë.
"Përfitoj nga rasti, t’iu them ju që jeni regjistruar për të votuar në Greqi. Fatkeqësisht në Greqi u bë një mish mash, por mundësia është. Do t’ju lutesha të marrin zarfin, të marrin votën të vendosin edhe ata për të cuar në vend këtë amanet shekullor për t’ju dhënë pasaportën europiane. Ata e kuptojnë më mirë se cdo të thotë kjo pasaportë. Të mos na nxjerrin anash si qytetarë të dorës së dytë kur udhëtojmë drejt BE-së. Kjo është shumë më tepër se kaq.
Iu them atyre në Greqi shumica e të cilëve, u nisën pa rroba në trup, që sot jeton me ankthin e njohjes së pensionit. A do marrin pension, se kanë mbajtur në këmbë ekonominë e Greqisë. E thotë vetë Greqia pa shqiptarët nuk do ndodhte kurrë suksesi I lojërave olimpike. Tani është koha që gjithë ky sukses a do kthehet në një pension të njohur. Kemi bërë 22 marrëveshje, mbyllëm edhe atë me Italinë, me Greqinë është më e vështira. Kemi nisur negociatat, nuk dimë sa kohë mund të marrin,por nëse mbyllim negociatat me BE në 2027 dhe nëse Shqipëria bëhet anëtare e BE brenda kësaj decade, kjo pasaportë në Greqi bën njohjen automatike të pensioneve.
Nuk ka më nevojë për marrëveshje me shtetin. Me këtë pasaportë të njihet cdo ditë pune që ke bërë atje. Fëmijët nuk janë më fëmijë të huaj, që të paguajnë tarifa më të larta. Nuk ka më radhë për lejen e qëndrimit a lejen e punës, bëhen të panevojshme sepse pasaporta kuq e zi ka të njëjtë vlerë. Dhe jo vetëm në Greqi por në cdo vend tjetër. Ata që kanë kaluar malet, janë rropatur nuk mund ta lënë zarfin rrugëve, votën të mbetet si një letër pa vlerë. Duhet ta marrin me cdo kusht dhe ta dërgojnë në tiranë ka edhe disa ditë kohë. Ju bëj thirrje ta dërgojnë në Tiranë, sepse me hyrjen në BE jemi popull europian jo vetëm me zakon por edhe me ligj me pasaportë. Shqiptarët mund të zgjidhet kryetarë komunash, bashkish, anëtarë këshillash bashkiak, eurodeputet. Kjo është zgjedhja e 11 majit," tha ai.
