Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Raportet e institucioneve të pavarura dhe pr.Ligji për Menaxhimin e Mbetjeve, ja çfarë pritet të ndodhë sot në Kuvend
PiranjatPërditësimi i fundit 16 Tetor 2025, 07:47
Kuvendi do të mblidhet këtë të enjte në një seancë plenare, ku pritet të shqyrtohen raportet e veprimtarisë për vitin 2024 të disa institucioneve të pavarura, si dhe të miratohen projektligje të rëndësishme për mjedisin dhe transparencën zgjedhore.
Në rendin e ditës do të jetë shqyrtimi i raporteve të Avokatit të Popullit, Agjencisë së Sigurimit të Depozitave, Institutit të Studimeve për Krimet dhe Pasojat e Komunizmit, Autoritetit për Informimin mbi Dokumentet e Ish-Sigurimit të Shtetit, dhe Komisionerit për Mbrojtjen nga Diskriminimi. Pas shqyrtimit, Kuvendi do të miratojë rezoluta për veprimtarinë e këtyre institucioneve.
Një tjetër pikë e rëndësishme e seancës është shqyrtimi i projektligjit “Për menaxhimin e integruar të mbetjeve”. Ky projektligj ka si qëllim krijimin e një sistemi të qëndrueshëm për menaxhimin e mbetjeve në Shqipëri, me fokus në mbrojtjen e mjedisit dhe shëndetit publik. Ai synon kalimin drejt ekonomisë qarkulluese, përdorimin efikas të burimeve natyrore, dhe minimizimin e ndikimeve negative nga mbetjet.
Projektligji përcakton rregullat për funksionimin e sistemit të menaxhimit të mbetjeve, duke përfshirë parandalimin ose reduktimin e mbetjeve dhe rritjen e efikasitetit në përdorimin e burimeve. Ai përjashton disa kategori të posaçme mbetjesh, si mbetjet radioaktive, anijet e dala jashtë përdorimit, dhe mbetjet nga aktivitetet minerare.
Ky projektligj është i përafruar me legjislacionin e Bashkimit Europian, duke siguruar harmonizimin me direktivat e BE-së për mbetjet.
Në përfundim të seancës, Kuvendi pritet të miratojë gjithashtu një projektvendim për ngritjen e Komisionit të Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të Zgjedhjeve.
