Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
"Rendi botëror është çrregulluar prej Putin", Von der Leyen: Po punojmë për grupin tjetër të sanksioneve ndaj Rusisë, ja çfarë do synojnë
r.llPërditësimi i fundit 16 Maj 2025, 14:47
ursula von der leyen
TIRANË- Presidentja e Komisionit Europian, Ursula Von der Leyen u shpreh sot në samitin e Komunitetit Politik Evropian se ajo që perceptohet si rend botëror është çrregulluar për shkak të presidentit të Rusisë, Vladimir Putin. Von der Leyen tha se Evropa tani është zgjuar dhe është mëse e bashkuar në këtë pikë kthese të historisë, ndërsa shtoi se qëndron e palëkundur në mbështetjen ndaj Ukrainës.
Ajo tha se sanksionet ndaj Rusisë, kanë nisur të japin efekt dhe u shpreh se po punohet për një grup tjetër sanksionesh. Presidentja e KE tha se Evropa është gati të bëjë më shumë për ta sjellë Putin në tryezën e negociatave, për shkak se Evropa do paqe do të angazhohet seriozisht në arritjen e saj.
"Ndryshimet që po kalojmë janë historike. Ajo që perceptuam si rend botëror po kthehet në çrregullim botëror prej Putinit. Sot Evropa i ka sytë hapur dhe e dimë që duhet të ecim përpara, duhet të krijojmë vete qëndresën tonë. Kemi mësuar se kur ka kriza të mëdha, Europa është ajo që jep përgjigjet më të mëdha. Europa është bashkuar më shumë në këtë pikë kthese të historisë dhe ka qëndruar e palëkundur në mbështetjen ndaj Ukrainës. Shumica e anëtarevë të KPE kanë mbështëtur sanksionët ndaj Rusisë dhe ato po japin efekt. Jemi gati të bëjmë më shumë për ta sjellë Putin në tryezën e negociatave. Ne duam paqe. Po punojmë për grupin tjetër të sanskioneve, që do të jenë ndaj Nordstream 1 dhe 2. Ka ardhur koha të angazhohemi seriozisht për paqe.", tha Von der Leyen.
