Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Replikat/ Balla e fton të marrë pjesë në protestën për UÇK, Mediu: Nuk të marrë leje ty
PiranjatPërditësimi i fundit 16 Tetor 2025, 11:25
Gjatë seancës së Kuvendit, deputeti Fatmir Mediu u përfshi në replika me kreun e grupit të PS, Taulant Balla në lidhje me protestën që pritet të zhvillohet në Tiranë për liderët e arrestuar të UÇK-së. Gjatë fjalës në Kuvend, Mediu u shpreh se do të marrë pjesë kudo ku flitet për lirinë e liderëve të Kosovës.
“Nuk të pyes ty Taulant Balla, o të jem ku është Kosova. Nuk të marr leje ty dhe s’pres të më ftosh ti” iu drejtua ai.
Pas deklaratës së Mediut, replikoi edhe Balla duke u shprehur se “Vetëm 28 ditë pas shpalljes së Pavarësisë së Kosovës hodhët në erë Gërdecin”, tha ai.
Fatmir Mediu: Ky Kuvend nuk duhet të flasë vetëm për gjenocidin por duhet të shtojë në rezolutë edhe lirimin e liderëve të UÇK. Kam pasur nderin që i kam njohur personalisht.
Ne duhet ta marrin këtë qëndrim, nuk duhet të na ndajë asnjë qëndrim politik. Ne nuk mund të jemi krah udhëheqësve të UÇK në një anë, dhe me Vuçiçin nga ana tjetër. Sot Shqipëria dhe shqiptarët kanë dy kundërshtarë, Vuçiç e Putin. Sa i përket pyetjes se ku do të jemi ne, jo si deputetë e politikanë, por si qytetar do të jem kudo, si tribunë për të marrë kredo por kudo ku flitet për lirinë e liderëve të Kosovës, Nuk të pyes ty Taulant Balla. Do të jem ku është Kosova. Nuk të marr leje ty dhe s’pres të më ftosh ti, as se ke ditur dhe as nuk e di ku është Kosova.
