Protestës së zhvilluar në Tiranë kundër kryeministrit Rama i janë bashkuar edhe shqiptarë nga Kosova, të cilët ka...
POLITIKE
“Rrugë që çahen nga pesha e korrupsionit, jo e makinave”, Topalli numëron aferat e mazhorancës: Nga satelitët në spitalet pa drita!
PiranjatPërditësimi i fundit 27 Janar 2026, 13:15
Deputetja Jozefina Topalli ka renditur në fjalën e saj në Kuvend aferat e mazhorancës në pushtet, ku përmendi skandalet me rrugët dhe tunelet, të cilat prishen ende pa mbaruar, apo dëmtohen në shiun e parë që bie,.
Ajo u shpreh se kjo qeveri flet për satelitë në një kohë që urgjenca ngeli pa drita vetëm pak kohë më parë, kjo pasi me ndërprerjen e energjisë elektrike, gjeneratorët nuk punonin.
“Ka momente kur politika duhet ta thotë të vërtetën pa dekor. Ne kemi jetuar në gënjeshtër se mësuam ta performonim si normalitet. U mësuam me premtime madhore dhe jetë të vogël për qytetarët. Sot flasin për prodhim armësh dhe satelitë. Realiteti është pak ndryshe. Në urgjencën e spitalit ikin dritat e nuk ka gjenerator. Hendek ky moral i këtij pushteti, nga satelitët në errësirën e shtretërve të sëmurëve. Fuqia blerëse është më e ulëta në rajon, qytetarët numërojnë qindarkat, qeveria projekte boshe. Ministra të arrestuar për korrupsion, të tjerë në hetim, zyrtarë që bien një nga një. Rrugë që ccahen nga pesha e korrupsionit dhe jo nga pesha e makinave dhe shirat.
Tunele që pikojnë pa u hapur sepse ndërtohen për tendera jo për jetë njerëzish. Mashtrimi i ri, digjitalizimi, por përmes AKSHI miliona euro buxheti përqendrohen në një rreth të ngushtë të lidhur me pushtetin”, tha ajo.
