Ditën e shtunë vendi ynë do të ndikohet nga kushte atmosferike të qëndrueshme.
Moti parashikohet me kthjellime (diell) si dhe alt...
POLITIKE
Shkarkimet në qeveri/ Rama: Ballukun s’do e largoja në rrethana të tjera
PiranjatPërditësimi i fundit 1 Mars 2026, 10:04
Kryeministri Edi Rama, ka folur këtë të diel mbi shkarkimet në qeveri të Belinda Ballukut, Elisa Spiropalit dhe Pirro Vëngut.
Në podcastin e tij “Flasim”, Rama u shpreh se ndryshimet në qeveri, sipas tij, ishin të parapara ndërsa u ndal veçanërisht te largimi i Ballukut.
Sipas Ramës, Ballukun në rrethana të tjera nuk do e kishte shkarkuar, ndërsa shtoi se kjo e fundit ka dhënë “rezultate të jashtëzakonshme” në punë, pavarësisht se është marrë e pandehur dhe SPAK kërkon ta arrestojë.
“Ndryshimet ishin të parapara, por natyrisht që nëse rrethanat do të kishin qenë të ndryshme, nuk do të kishte ndryshuar për rezultatet e jashtëzakonshme në punë, Zëvendëskryeministrja dhe Ministrja e Infrastrukturës dhe Energjisë që aktualisht në bazë të mbledhjes së zgjeruar të grupit dhe të planit të ri të kompozimit të qeverisë, është ish Zëvendëskryeministrja dhe Ministrja e Infrastrukturës dhe Energjisë. Por gjithsesi për këtë temë, fola pak në mbledhjen e grupit dhe rezervova dhe më mbetet e rezervuar e drejta që të flas në mënyrë më shterruese, pasi të kem lexuar edhe raportin e Këshillit të Mandateve”,- u shpreh Rama.
