Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
POLITIKE
"Shkatërrimi i turizimit, mekanizmi kryesor i Ramës për të vjedhur!" Berisha: Pasuritë kombëtare nga bekim, në mallkim për shqiptarët
M.B.Përditësimi i fundit 28 Gusht 2024, 21:04
Sali Berisha
TIRANA- Kreu i Partisë Demokratike, Sali Berisha, tha sot se në Shqipëri pasuritë kombëtare shndërrohen nga bekim në mallkim. Berisha tha se mënyra e pamëshirë që vidhen shqiptarët sot është shndërruar në mekanizmin kryesor të shkatërrimit të jetës së tyre. Ai shtoi se turizmi në Shqipëri nga një motor i zhvillimit të vendit është shndërruar në ndëshkim për çdo qytetar shqiptar shqiptar i cili paguan në vit për turizmin nga taksat e tij 215 euro dhe merr me taksat e tij nga një turist gjithsej për frymë si banor 4 euro, jo për një, por nga të gjithë turistët.
Pjesë nga fjala e Berishës:
Miqtë e mi, ajo që ndodh, mënyra e pamëshirë që vidhen shqiptarët sot është shndërruar në mekanizmin kryesor të shkatërrimit të jetës së tyre. Në Shqipëri pasuritë kombëtare shndërrohen nga bekim në mallkim. Pasuri kombëtare më e madhe, potenciali më i jashtëzakonshëm i Shqipërisë është potenciali turistik, është oferta e brigjeve të detrave dhe liqeneve të saj, oferta e Alpeve dhe maleve të saj.
Turizmi në Shqipëri nga një bekim, nga një motor i zhvillimit të vendit është shndërruar në ndëshkim për çdo qytetar shqiptar shqiptar i cili paguan në vit për turizmin nga taksat e tij 215 euro dhe merr me taksat e tij nga një turist gjithsej për frymë si banor 4 euro, jo për një, por nga të gjithë turistët.
4 euro për banor, shpenzimi është 215 euro, sepse miqtë e mi të gjithë ccfarë vjen e s’vjen e vjedhin qeveritarët dhe oligarkët e tyre, narkotrafikantë dhe resortet e tyre. Ndaj edhe Shqipëria është i vetmi vend në planet që bërtet se mora 10 mln turistë, por që fjetën gjithësej gjysmë nate për turistë në Shqipëri. Këto janë shkaqet.
