Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
''Skandali Mogherini''/ Tritan Shehu: Parlamenti kërkon sqarime urgjente
PiranjatPërditësimi i fundit 4 Dhjetor 2025, 10:42
Deputeti Tritan Shehu foli sot gjatë seancës parlamentare për “skandalin Mogherini”, ku kërkoi një sqarim të menjëhershëm nga Ministri i Jashtëm dhe parlamenti.
Shehu theksoi se Shqipëria ka shpenzuar 17 milionë euro për këtë çështje, një investim politik dhe reklamues të madh, i cili ka shkaktuar tashmë polemika në Komisionin Europian.
Tritan Sehu: Do të përpiqem të jem sa më i shkurtër dhe konçiz në një çështje që unë mendoj që duhet të involvohet me urgjencë parlamenti, së paku në një informacion nga ministri i Jashtëm. Për një çështje që kryeministri shqiptar është involvuar politikisht shumë dhe ku Shqipëria ka derdhur dhe burime financiare për atë problem i cili ka bërë të shpërthej tashmë një skandal në Komisionin Europian.
E kam fjalën për skandalin e Mogherinit, një aktiviste e të majtës populiste, e cila kërkon padyshim një sqarim në këtë parlament, sepse Shqipëria ka derdhur 17 milionë euro, është bërë një investim politik i madh, një reklamë e madhe dhe ka plasur një skandal i madh. Unë mendoj se parlamenti shqiptar në këto kushte me urgjencë duhet të bëjë sqarime, duhet sqarohet. Ministri i Jashtëm duhet të flasi, ashtu si ndodh në të gjithë parlamentet e botës, të cilët informohen për problemet që lidhen me to.
Pra, unë e konsideroj këtë gjë të rëndësishme dhe propozoj dhe kërkoj nga ju, zoti kryetar, edhe nga deputetët, pavarësisht se ministri për marrëdhënie me parlamentin ishte kundër nga sa pashë, që duhet të informohemi qartësisht për këtë skandal të madh, i cili prek politikën shqiptare, qeverisjen shqiptare, edhe financat shqiptare.
