Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Shqyrtimi i mandatit të Xhaçkës/ Bardhi: Ne e kemi bërë detyrën tonë! U dhamë mundësi anëtarëve që të mbrojnë dinjitetin e Gjykatës Kushtetuese
n.fPërditësimi i fundit 21 Qershor 2024, 11:28
Bardhi
TIRANË- Sot po mbahet seanca në Gjykatën Kushtetuese ku do të shqyrtohet padia e Partisë Demokratike për mandatin e Olta Xhaçkës. Seanca nisi në orën 10:00. I pranishëm në seancë ishte edhe kreu i grupit parlamentari i PD-së, Gazment Bardhi, i cili tha se Kuvendi sfidoi një vendim të Gjykatës Kushtetuese më 11 prill kur rrëzoi kërkesën e GJK-së për të çuar në këtë gjykatë interpretimin e mandatit të saj.
Bardhi tha se PD ishte përpara dy sfidave, do duhet të vinte sërish në GJK ose t’ja linte turpin mazhorancës në kuvendin e Shqipërisë. Sipas tij ata vlerësuan se po duhet të shkojnë në Gjykatën Kushtetuese sepse sfida ndaj autoritetit te GJK nuk është vetëm çështje e anëtarëve të saj por është çështje e cdo ligjvënësi që është betuar në Kushtetutë.
“Pas një zvarritje ku janë përfshirë të gjitha institucionet në këtë procedurë, për herë të parë në historinë e kuvendit një vendim i marrë është sfiduar nga Kuvendi i Shqipërisë përmes shpalljes së vetes si sovran ndaj vendimeve të GJK. Për kohën që kanë mbetur në këtë legjislaturë dhe duke marrë parasysh kohën kur zbardhet vendimi, kohën kur do hyjë në fuqi vendimi i GJK, kohën kur do ta zvarrisë më tej Kuvendi, legjislatura e këtij kuvendit dhe mandati i zonjës Xhacka përfundon vetë.
Grupi jonë ishte përpara dy sfidave, do duhet të vinte sërish në GJK ose t’ja linte turpin mazhorancës në kuvendin e Shqipërisë, Vlerësuam se po duhet të vijmë në GJK sepse sfida ndaj autoritetit te GJK nuk është vetëm çështje e anëtarëve të GJK, por është çështje e cdo ligjvënësi që është betuar në Kushtetutë. Në këtë kuptim çdo parashtrim i joni për tju shpjeguar ju një vendim që e keni marrë vetë ju, do të ishte humbje kohe. Është në dorën e trupës në do duhet të mbrojë autoritetin e kësaj godine. Ne e kemi bërë detyrën tonë. E sollëm në GJK duke u dhënë mundësi anëtarëve që të mbrojnë dinjitetin e GJK”, tha Gazment Bardhi.
Kuvendi i Shqipërisë vendosi më 11 prill që të rrëzojë kërkesën e Gjykatës Kushtetuese për të çuar në këtë gjykatë interpretimin e mandatit të saj. Xhaçka mbante detyrën e Ministres së Jashtme në kohën kur Komiteti i Vendimeve Strategjike i drejtuar nga kryeministri Edi Rama miratoi statusin e “investitorit strategjik” për bashkëshortin e saj, Artan Gaçi, i cili po ndërton një hotel në Dhërmi.
Xhaçka këmbëngul se nuk është në konflikt interesi dhe se nuk kishte përfituar asnjë centimer tokë shtetërore dhe asnjë lloj përfitimi tjetër publik. Sipas saj, i vetmi përfitim nga ky status lidhej me kompaninë që në një të ardhme do të menaxhojë aktivitetin për sipërfaqen e plazhit para hotelit.
Në janar të vitit 2023, Kushtetuesja duke i dhënë përgjigje një padie të deputetëve të PD-së rrëzoi si antikushtetues vendimin e Kuvendit për të mos dërguar çështjen pranë kësaj gjykate dhe i kërkoi Kuvendit që të vendosë për të kundërtën. Pas vendimit të Parlamenti, opozita e çoi sërish në Gjykatën Kushtetuese mandatin e Xhaçkës.
