Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
"Sot është TikTok, pasnesër taktiku", Zhupa: Rama e kishte ndarë mendjen, do ta mbyllte përmes Komisionit të Dezinformimit
r.llPërditësimi i fundit 8 Janar 2025, 22:47
ina zhupa
TIRANË- Deputetja e Partisë Demokratike, Ina Zhupa e ka cilësuar censurë mbylljen e aplikacionit "Tik Tok" në vendin tonë. Sipas deputetes, Rama e kishte ndarë mendjen për mbylljen e kësaj platforme dhe donte ta realizonte përmes Komisionit për Dezinformim, por për deputeten ky plan iu prish për shkak të opozitës.
Zhupa tha në emisionin "Opionion" se TikTok ndikon në fushatë zgjedhore dhe Rama gjeti arsye që ta mbyllte para zgjedhjeve që do të zhvillohen këtë vit.
“Absolutisht pro lirisë, pro medias edhe si kryetare e Komisionit të Medias dhe kundër çdo censure, çdo mbylljeje të çdo mediumi që i jep hapësirë fjalës së lirë. Pse? Sepse nëse ne themi TikTok është pasqyra e një realiteti që nuk na pëlqen, detyra jonë edhe si politikëbërës është jo të thyejmë pasqyrën, por të ndryshojmë realitetin. Pra nëse ne të rinjtë na dalin në TikTok që merren me një gjë apo dy tre gjëra, hajde diskutojmë mbi politikat mbi të rinjtë, mbi arsimin, mbi politikat që duhen në shkollë, jo hajde mbyllim tikTok-un se sot është TikTok-u, nesër është Facebook, pasnesër është “taktiku”, do hapet një rrjet i ri. Nuk zgjidhet. Kjo është censurë për arsye politike sepse e pa në Rumani, e pa në SHBA që TikTok ndikon në fushatat elektorale. Edi Rama e kishte ndarë që do ta mbyllte TikTok dhe mjeti që do të përdorte ishte komisioni i Braçes për dezinformimin. Kur ai mjet u diskretitua pasi opozita doli gjatë gjithë kohës, gjeti një kazus inekzistent se ju e patë që nuk ishte fare çështja e Martin Canit në TikTok për të arritur në atë objektiv që i duhet për fushatën elektorale”, tha Zhupa.
