Deputeti i Partisë Demokratike, Agron Gjekmarkaj, njëkohësisht nënkryetari i parlamentit, akuzoi nga foltorja e Kuvendit qeverinë për aferat korruptive dhe për manipulimin e zgjedhjeve të 11 majit.
Ai tha se e vërteta e zgjedhjeve po del sot nga tuneli i Llogarasë, ku të pandheur janë zv/kryeministrja Belinda Balluku, qeveria dhe vetë mazhoranca.
Ai vuri në dukje se jeta e qytetarëve është në rrezik, demokracia ka rënë, krimi mbizotëron dhe bashkëpunon me qeverinë. Deputeti nënvizoi se “demokracisë shqiptare i është bërë atentat”.
“Flas për t’i dhënë zë guximit tuaj moral, qartësisë politike dhe përgjegjësisë ndaj të vërtetës për të mbështetur qeverinë tuaj Rama-Balluku. Sot e pandehur është e gjithë qeveria, e pandehur e gjithë mazhoranca, që s’gjen fuqinë morale. Ju sot spostuat raportimin e KQZ, por jo raportin përfundimtar të OSBE-ODIHR, që ju rri në kokë si xhebraili. Ai është akt ndërkombëtar ku konfirmohet se demokracisë shqiptare iu bë atentat, atentatorët janë sot këtu pas dhe para meje, zgjedhjeve iu bë atentat”, tha Gjekmarkaj.
Ai theksoi se në fytyrat e mazhorancës aktualisht ka frikë dhe tmerr, ku shteti është kapur nga partia dhe të vërtetat dalin nga tuneli i Llogarasë.
“Në fytyrat tuaj ka tmerr. E vërteta e zgjedhjeve po del nga tuneli i Llogarasë dhe po rri këtu këmbëkryq, qeveria juaj ka rënë. Pafuqia juaj për të qenë të ndershëm, zaptim i parasë, paaftësi e juaj morale që e ka kthyer Shqipërinë në tokën e askujt”, vijoi ligjvënësi demokrat.
Nënkryetari i parlamentit vuri në dukje monopolizimin e jetës në Shqipëri, presionet, patronazhistët dhe ku shteti është bërë parti.
“Kjo që ndodh në Shqipëri është deformim, deformim i votës, frikë për vendin e punës, patronazhim dhe kjo është e rëndë. Ky nuk është shtet i qytetarëve, por shtet i partisë. Ne kërkojmë zgjedhje të lira e të ndershme, institucione të pavarura, për dinjitetin e shqiptarëve dhe Republikën e Shqipërisë”, tha Gjekmarkaj mes të tjerash.
Fjala e plotë e Agron Gjekmarkajt në Parlament:
“Te nderuar deputet,
Zoti Kryetar,
Të nderuar qytetarë, zonja dhe zotërinj, miq të lirisë dhe të qendreses ,
Sot jam para jush per ti dhënë zë guximit tuaj moral, qartësisë politike dhe pergjeqësisë ndaj së vërtetës, per te mbeshtetur revolten tuaj ndaj qeverise Rama – Balluku.
Sot e pandehur është e gjithë qeveria , e pandehur është e gjithë mazhoranca e cila nuk e gjen fuqinë morale per katarsis!
Sot ju e spostuat nga kalenadri raportimin e Komisionerit per zgjedhjet po jo Raportin Përfundimtar te OSBE/ODIHR-it për zgjedhjet e 11 majit 2025 i cili ju rri mbi kokë si xhebraili!
Ai nuk është një dokument teknik, nuk është një justifikim opozitar – është akti zyrtar ndërkombëtar politik i cili konfirmoi se demokracisë shqiptare ju bë atentat !
Atentatoret janë këtu pas e para meje!
Zgjedhjet u zhvilluan nën peshen e korrupsionit nën diktatin e krimit te organizuar e të pa organizuar, nën koracen e hekurt të frikes per ta lënë pushtetin të vetedijshem se çfarë keni bërë.
Ju ecni mbi akull. Ne fytyra keni tmerr. Gjumi juaj eshte me gulçe , naten keni etje, fantazmat e grabitjeve publike ju trazojne me keq se njollat e gjakut Makbethin.
E verteta e zgjedhjeve po del nga Tuneli i Llogarase dhe rri ketu kembekryq!
Qeveria juaj ka rënë dhe rri si kadaver ne mes te mexhlisit nga habia dhe apatia sociale.
Pafuqia juaj per të qënë të ndershem sot është kurthi më i madh i shpresave shqiptare!
Deshira juaj për të rëndur si të çmendur pas parasë duke zaptuar çdo korsi të jetes publike eshtë virusi me vdekjeprures per çdo vlere!
Paaftesia juaj morale per tu perballur me krimin e ka kthyer Shqiperine në një toke te askujt, ku jeta e një pule vlen me shume se jeta e një shqiptari, i cili del ne mengjes per pune e kthehesh në darke në arkivol !
Nuk ka rendesi ne je gjykates i lartë, biznesmen, kalimtar me biçiklete , ish i denuar apo femije ne shkolle, të mberrin plumbi, te kap pistoleta, te perfshin autobuzi , te shpon thika, te buzeqesh vdekja dhe kthehesh në statistike mediatike.
Shteti i privatizuar shqiptar nuk qëndroi mbi palët, por u vesh me ngjyrat e partisë në pushtet.
Të gjithë mbathen atletet e Kryeministrit dhe renden per te rrembyer vota , duke vene taksen e xhizese mbi dinjitetin e individit.
Burimet publike, administrata, fondet, projektet dhe komunikimi institucional u përdorën si instrument elektoral nga partia e Kryeministrit Edi Rama.
Nuk e them unë – e thotë ODIHR. Nuk e thonë PD – e thotë standardi ndërkombëtar.
Mbi 4,500 aktivitete zyrtare u përdorën si fushatë e maskuar.
Në qarkun e Fierit, siç e dokumenton raporti, u pa shkrirja totale e shtetit me partinë.
Ky është modeli i një pushteti që nuk kërkon më legjitimitet, por, siç do ta përkufizonte Hannah Arendt, kërkon bindje përmes frikës, heshtje permes blerjes. Një model që vret besimin e instalon kontrollin.
Raporti flet qartë për blerje votash, për presion ndaj qytetarëve, për ndikim të grupeve kriminale në disa qarqe të vendit.
Të gjitha këto përbëjnë sulm frontal ndaj lirisë së votës.
Kur vota blihet, qytetari varfërohet.
Kur vota kërcënohet, liria vdes.
Na e la testament Vaclav Havel: “Atje ku e vërteta shitet, aty fillon totalitarizmi.” Prandaj, kjo që po ndodh në Shqipëri nuk është një devijim i vogël – është deformim themelor i republikës, letargjia e saj.
Punonjësit e administratës u vunë nën presion: detyrim për të marrë pjesë në aktivitete partiake, frikësim për vendin e punës, përdorim i patronazhit si mekanizëm kontrolli !
Kjo është shkelje e rëndë e çdo norme demokratike. Një shtet që i përdor punonjësit si militantë, nuk është shtet i qytetarëve, por shtet i partisë.
Dita e votimit, sipas ODIHR-it, solli cënim të fshehtësisë së votës, prani të paautorizuar të aktivistëve të pushtetit, votim familjar dhe raste të blerjes së votës në vendngjarje.
John Stuart Mill e ka thene natyrisht jo per pasardhesit e Haxhi Qamilit e Haxhi Lleshit e Haxhi Kroit se : “Liria e votës është kufiri i fundit i njeriut të lirë.” Dhe kur ky kufi thyhet, zgjedhja nuk është më akt lirie, por thjesht ritual formal.
Të nderuar qytetarë, ne nuk jemi vetëm në këtë vlerësim.
SHBa po na vështron dhe po flet. Siç e tha këto ditë një kongresmen amerikan, pluralizmi në Shqipëri po shuhet.
Dhe kur shuhet pluralizmi, nuk shuhet vetëm opozita – shuhet liria, shuhet debati, shuhet shpresa. Pa te hyme ne ujdhesat e tiranise.
Ky paralajmërim është akt i rëndë politik ndaj qeverisë së Edi Ramës, sepse vjen nga tempulli i demokracise më të konsoliduara të botës.
Presidenti Tramp dhe Sekretari i shtetit Rubio në menyren me te pazakonte por edhe më të qartë ne telegramet e urimit per Festen Kombetare cituan luften ndaj karteleve të droges dhe bashkëpunetorve të tyre ! Kembanat po bien per Ju!
Qytetarë të nderuar, Republika nuk është thjesht një sistem administrativ apo një seri institucionesh; ajo është shtëpia e përbashkët e qytetarëve, ku ligjet nuk duhet të jenë instrument i pushtetit, por garanci e dinjitetit të secilit individ.
Siç theksojnë eterit e doktrinave politike , nga Montesquieu e deri te Tocqueville, fuqia politike që nuk kontrollohet rrezikon të kthehet në autokraci dhe shteti të shndërrohet në pronë private, shoqeria ne kope, ku bari ther e pret, shet e blen sipas qejfit.
Sot, kjo është realiteti ynë: Republika po përvetësohet nga partia në pushtet. Institucionet, zgjedhjet dhe mekanizmat e kontrollit publik po rrëmbehen në funksion të një partie të vetme.
Qëllimi është i qartë dhe i dokumentuar: shuarja e opozitarizmit, monopolizimi i pushtetit dhe kthimi i pluralizmit në një fasadë formale, një iluzion për të mbuluar një sistem gjithnjë e më autokratik.
Kur Republika nuk i shërben më qytetarit si sovran, por pushtetit si instrument, ajo nuk është më shtëpia e të gjithëve, por arena e një pushteti që e realizon kontrollin mbi çdo qelizë të shoqërisë per te konsoliduar fronin e pushtetit.
Institucionet publike janë kapur nga një parti e vetme: Presidenca e Republikes, çdo kinse institucion i pavarur apo Agjensi, KQZ nën presion politik, AMA dhe RTSH e te tjera e te tjera që nuk i shërbejnë publikut, por Qeverise.
Në media, mbi 90% e hapësirës është nën kontroll të indirekt të qeverisë. Kjo nuk është demokraci funksionale; është një autokraci , një kontroll i heshtur, i maskuar, real gjithnje e me i paturpshem.
Do jua kujtoj gjithmone se viti elektoral u karakterizua nga klimë përndjekjeje politike: ndjekje penale të liderve të opozitës, tension i qëllimshëm, presion ndaj kundërshtarëve.
Një shoqëri që trembet nga drejtësia, nuk ka drejtësi. Dhe kur një opozitë përndiqet politikisht, kjo shoqëri perseri rrezikon të humbasë Republiken .
Demokracia shqiptare mund ta ushqeheniluzion e vet vetem nese qytetarët nuk dorëzohen.
Fryma e lirisë jeton tek çdo shqiptar që nuk e shet votën, tek çdo i ri që kërkon të ardhme, tek çdo punonjës që refuzon të përkulet, tek çdo njeri që thotë: “Unë dua Shqipëri të drejtë.”
Ne kërkojmë vetëm atë që Shqipëria ka firmosur prej dekadash: respektimin e Dokumentit të Kopenhagës, të ICCPR-së, të rekomandimeve të Komisionit të Venecias.
Ne kërkojmë zgjedhje të lira, zgjedhje të ndershme, shtet neutral, institucione të pavarura dhe një Republikë që nuk i takon partisë, por popullit.
Kjo është beteja jonë. Jo për karrige. Jo për poste. Jo për privilegje. Por për dinjitetin e popullit shqiptar. Për Republikën e Shqipërisë. Për të drejtën e njeriut për të votuar i lirë e pa frikë. Për të ardhmen e fëmijëve tanë.
Dikush me shkruante para pak ne dialekt mirditor “o burra kapni hunjt se na vune horrrat perfujt”’ por une jam i fjales e jo i hurit ndaj do ta mbyll me ato qe Charles de Gaulle nu tha francezve te tij se “Demokracia është e fortë vetëm kur qytetarët nuk kanë frikë.” Ju do t’ju coje ne marrezi frika juaj , qytetaret do te rigjejne vetedijen per tu çliruar prej jush! Faleminderit!”.
Artikuj te sugjeruar
POLITIKE
4 Dhjetor12:13
Tenderat korruptivë të AKSHI-t/ Berisha: Karçanaj, Balluku nr. 2! Daniel Shima ka dy muaj i mbyllur në dhomë
Kryedemokrati Sali Berisha, nga foltorja e Kuvendit, komentoi edhe drejtoreshën e AKSHI-t, Mirlinda Kërçanaj, e cila një ditë m&eum...
POLITIKE
4 Dhjetor12:00
Berisha: Lubi Balluku u mbërthye në skemat e saj nga mesazhet, fotot dhe dokumentet e gjetura ne telefonat e Evis Berberit!
Kryetari i Partisë Demokratike akuzoi mazhorancën nga foltorja e Kuvendit ditën e sotme se është e zhytur në afera korruptive dh...
POLITIKE
4 Dhjetor11:37
Berisha: Rama thotë se Partia Socialiste është “bordello”
Teksa iu referua terminologjisë së përdorur nga kryeministri Edi Rama, se PS është një bordello, kryetari i PD, Sali Berisha si ...
POLITIKE
4 Dhjetor11:27
Berisha “shuplakë” Salianjit: Është mashtrim të deklarosh që militanti demokrat nuk dëgjohet
Kryetari i PD-së, Sali Berisha kritikoi Ervin Salianjin për mbajtjen e takimit me strukturat e demokratëve në Durrës. Berisha u shpre...
POLITIKE
4 Dhjetor11:17
Takimi i Salianjit në Durrës, Berisha: Ishte axhendë personale
Kryetari i PD-së, Sali Berisha deklaroi jashtë kuvendit se takimi i Ervin Salianjir me strukturat e PD-së në Durrës ishte axhendë...
POLITIKE
4 Dhjetor11:11
Topalli: Qeveri e zhytur kokë e këmbë në skandale
Deputetja e PD-së, Jozefina Topalli ka mbajtur një qëndrim të ashpër ndaj mazhorancës, duke e akuzuar atë se është...
POLITIKE
4 Dhjetor11:01
'Të hiqet nga rendi i ditës pr/ ligji për Prodhuesit' Bozdo: I gatuani si petullat
Në këtë rast mund të kemi 15, ndoshta më shumë. Të gjitha shumë të rëndësishme për sektor jetik t&...
POLITIKE
4 Dhjetor10:58
Skandali i Mogherinit/ Berisha publikon videon: Rama me ‘shqiptaren’ e tij
Kryetari i opozitës, Sali Berisha, publikoi një video të para disa kohëve, kur Edi Rama shprehej se Federica Mogherini tanimë ës...
POLITIKE
4 Dhjetor10:47
PD kërkoi interpelancë urgjente për çështjen Balluku, Peleshi dhe deputetët socialistë rrëzojnë kërkesën
PD kërkoi interpelancë urgjente me Ramën për çështjen Balluku, por mazhoranca e ka rrëzuar këtë kërke...
POLITIKE
4 Dhjetor10:48
Shehaj akuza mazhorancës: Rama po i shmanget interpelancës!
Kreu i Partisë Mundësia, Agron Shehaj deklaroi se prej dy muajsh ka kërkuar interpelancë me ish-zëvendëskryeministren Belin...
