Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
‘Të ketë reputacion te partnerët...’ Kriteret e kryesisë së PD për kryetarin e ri që përjashtojnë Berishën
PiranjatPërditësimi i fundit 19 Qershor 2023, 18:00
Ndërsa në PD ujërat nuk janë të qeta për zgjedhjen e kryetarit të partisë në fund të muajit korrik, kryesia ka nxjerrë formularin e kritereve që duhet të plotësojë drejtuesi i ri. Dhe ato nuk janë as më shumë e as më pak se kriteret që nuk i plotëson më Sali Berisha duke nisur nga kriteri se kandidati duhet të mos ketë masa disiplinore në fuqi sipas parashikimeve të Statutit të Partisë Demokratike, të mos ketë dëmtuar interesat elektorale të Partisë Demokratike në 3 vitet e fundit e deri tek kriteri se duhet të ketë reputacion të lartë në radhët e anëtarësisë së Partisë Demokratike, tek partnerët ndërkombëtarë, si dhe në opinionin publik.
Kriteret kryesore për kandidatët për kryetar të PD:
1. Të ketë mbrojtur dhe promovuar në vazhdimësi interesat, vlerat themelore dhe programin e Partisë Demokratike;
2. Të mos ketë masa disiplinore në fuqi sipas parashikimeve të Statutit të Partisë Demokratike;
3. Të ketë figurë të pastër gjyqësore, duke plotësuar kushtet e dekriminalizimit
4. Të ketë figurë të pastër ideologjike, duke plotësuar kushtet e dekomunistizimit
5. Të ketë reputacion të lartë në radhët e anëtarësisë së Partisë Demokratike, tek partnerët ndërkombëtarë, si dhe në opinionin publik;
6. Të jetë i përkushtuar në luftën kundër korrupsionit dhe oligarkisë, që kanë krijuar plagë të rënda shoqërore
