Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Teknika e njëjtë me atë të Berishës!" Gjokutaj: SPAK ngriti procedim penal ndaj Metës në bazë të një kallëzimi të rremë
M.B.Përditësimi i fundit 24 Tetor 2024, 22:11
TIRANA- Avokati Genc Gjokutaj është shprehur sot se procedimi penal ndaj Metës për çështjen CEZ-DIA është bërë mbi bazën e kallëzimin nga Romeo Kara i cili në kohën kur është gjykuar kjo çështje e ka mohuar se Meta ishte i lidhur me këtë gjë.
Ai shtoi se Romeo Kara që është kallëzuesi i CEZ DIA në çështjen e Kastriot Ismailaj nën betim thotë që më thirri në zyrë dhe me premtoi një pagë të lartë dhe e ka pyetur Ismailajn nëse ka lidhje me politikanë e për përgjigje i ka thënë që ka lidhej vetem me një amerikane.
I ftuar në emisionin 'Çim Peka Live' në 'SYRI TV' Gjokutaj ka theksuar se si në rastin e Berishës por edhe të Metës, personi që ka firmosur është vetë Edi Rama dhe SPAK nuk e ka thirru për të dëshmuar asnjëherë.
"CEZ-DIA është një çështje e gjykuar dhe ka të dënuar për këtë. Romeo Kara që është kallëzuesi i CEZ DIA në çështjen e Kastriot Ismailaj nën betim thotë që më thirri në zyrë dhe me premtoi një pagë të lartë dhe e ka pyetur Ismailajn nëse ka lidhje me politikanë e për përgjigje i ka thënë që ka lidhej vetem me një amerikane dhe nuk ka lidhje me politikanët shqiptar.
SPAK duhet të merret me Karan nëse ka bërë kallëzim të rremë dhe përse ai më para nuk e ka përmendur fare Metën dhe tani kujtohet dhe e përmend. Si mund të vihesh në lëvizje ti si prokurori që nuk vërtetojnë burimin e kallëzimit që është bërë. Teknika e hetimit është e njëjtë me atë të Berishës kjo e Metës pasi në të dy procedimet është vetë Rama që ka firmosur dhe asnjë prej dy të arrestuarve sot që ndodhen nën masën e arrestit", tha Gjokutaj.
