Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
POLITIKE
VIDEO/ Berisha shpërndan pamjet nga protesta: Opozitarët gjeorgjianë pushtojnë pallatin e presidentit kukull të diktatorit!
PiranjatPërditësimi i fundit 4 Tetor 2025, 23:29
Mijëra persona dolën sot nëpër rrugët e Tbilisit pas thirrjeve të partive opozitare për protesta të mëdha kundër partisë në pushtet, 'Ëndrra Gjeorgjiane' (Georgian Dream) në ditën e zgjedhjeve lokale.
Qëllimi i tyre është t’i rikthejnë protestat ditore që kanë nisur vitin e kaluar, pas shkeljeve të dyshuara në zgjedhjet parlamentare dhe vendimit të Qeverisë për t’i ndalur bisedimet për anëtarësim në Bashkimin Evropian.
Në orët e mbrëmjes protestuesit tentuan të hyjnë në pallatin presidencial në Tbilisi. Policia e Gjeorgjisë u detyrua të përdorë sprej piperi dhe topa uji kundër protestuesve.
Pamjet kur protestuesit tentojnë të hyjnë në presidencë kanë bërë xhiron e rrjetit, ndërsa janë shpërndarë dhe nga kreu i PD-së Sali Berisha.
“Opozitarët Gjeorgjianë pushtojnë pallatin e presidentit kukull të diktatorit!” shkruan Berisha
Opozita pro-perëndimore e vendit ka nisur protestat që prej vitit të kaluar, kur 'Georgian Dream' shpalli fitore në zgjedhjet që kritikët i cilësojnë si të manipuluara.
Pas zgjedhjeve, partia në pushtet pezulloi bisedimet e Gjeorgjisë për anëtarësim në Bashkimin Evropian, duke ndalur papritur një objektiv kombëtar të kahershëm.
