Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
"Vjedhin së bashku duke çuar në varr shqiptarët e pafajshëm", Berisha: Rama dhe Vilma Nushi kryen krim kushtetues duke mos u paraqitur në komision
n.fPërditësimi i fundit 14 Nëntor 2024, 21:07
Berisha
TIRANË- Kreu i Partisë Demokratike, Sali Berisha ka mbajtur fjalën e tij para mbështetësve të tij të mbledhur para banesës së tij. Berisha gjatë fjalës së tij u shpreh se kryeministri, Edi Rama është sjellë si katil i vërtetë ndaj të sëmurëve ndërsa shtoi se kjo u konstatua pasi nuk u paraqit në komision, ndonëse ligji dhe Kushtetuta e detyrojnë.
Ai shtoi se në komisionin hetimor parlamentar nuk u paraqit edhe Vilma Nushi ku sipas tij është kriminele e pashpirt, që merr nga taksapaguesit dhe ndan me kushëririn e burrit të saj, Edi Ramën, në check-up, dhjetëra e dhjetëra milionë euro analiza të pabëra.
Berisha theksoi se i tmerruar, Edi Rama nuk lejoi monstrën njerëzore që me vjedhjet e saj përcjell çdo ditë në varr shqiptarë të pafajshëm, sepse nuk kanë ilaçe, sepse nuk operohen. Sipas tij ajo nuk mund të paraqitej sepse ndan paratë me Edi Ramën.
Edi Rama, që është sjellë si katil i vërtetë ndaj të sëmurëve, e konstatuat, e vutë re, nuk u paraqit në komision, ndonëse ligji dhe Kushtetuta e detyrojnë. Por miqtë e mi, në komisionin hetimor parlamentar nuk u paraqit edhe gruaja që në qoftë se do kishte një emër të dytë, do quhej vampire, vampire, vampire, Vilma Nushi. Kjo kriminele e pashpirt, që merr nga taksapaguesit dhe ndan me kushëririn e burrit të saj, Edi Ramën, në check-up, dhjetëra e dhjetëra milionë euro analiza të pabëra, nuk vinte, nuk e lejonte kushëriri i burrit të saj bandit, Rama, sepse jo vetëm Rama që është mbi ligj dhe Kushtetutë, por edhe sojsorollopi i tij i fëlliqur qëndron mbi ligj dhe Kushtetutë.
A nuk është ky një akt revolte kombëtare? A nuk është kjo një sfidë që i bëhet çdo qytetari? A nuk është kjo një nxitje për revoltë mbarëpopullore ndaj këtij banditi dhe sojit të tij të fëlliqur? Hajdutja e pangopur nuk paraqitet në parlament, kriminelja e pafytyrë që regjistron qindra mijëra analiza të pabëra, false, të dokumentuara. Pështyn parlamentin njëlloj si Olta. Kushtetuta Nushi-Xhaçka është Kushtetuta e horrave dhe jo më e republikës, për të lëshuar më gojën më tutje. E kuptoni vetë.
Pra, i tmerruar, Edi Rama nuk lejoi monstrën njerëzore që me vjedhjet e saj përcjell çdo ditë në varr shqiptarë të pafajshëm, sepse nuk kanë ilaçe, sepse nuk operohen. Nuk mund të paraqitej sepse ndan paratë me Edi Ramën. Miq, ky refuzim i Kushtetutës përbën një akt madhor, përbën një krim kushtetues. Përbën një motiv tjetër të mosbindjes civile gjer në përmbysjen e kësaj qeverie.
