Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Votoi kundër miratimit në Kuvend, Sula tregon arsyet: Ndryshimet në Kodin Zgjedhor janë regres, aq më shumë për opozitën!
r.llPërditësimi i fundit 27 Korrik 2024, 21:47
dashnor sula
TIRANË- Deputeti demokrat, Dashnor Sula ishte nga ata që votuan kundër miratimit të ndryshimeve në Kodin Zgjedhor në seancën e djeshme plenare. Përmes një postimi në Facebook, Sula ka treguar edhe arsyet se përse votoi kundër.
Ai shprehet se ndryshimet në Kodin zgjedhor që u miratuan pas dakordësisë PD-PS janë regres, aq më shumë sipas tij për opozitën.
Sula shkruan më tej se këto ndryshime i’u tentuan t’i shiteshin qytetarëve me karremin e votës së shqiptarëve që jetojnë nga jashtë dhe se janë duke zbatuar vendimet e Gjykatës Kushtetuese, por në të vërtetë sipas tij, as njëra dhe as tjetra nuk ishin prioritet.
POSTIMI I SULËS:
Ndryshimet ne Kodin Zgjedhor janë regres, aq më shumë për opozitën!
Dje në Parlament votova kundër ndryshimeve në Kodin Zgjedhor. Qytetarëve i'u tentua ti shiteshin këto ndryshime me karremin e votës së shqiptarëve që jetojnë nga jashtë dhe se janë duke zbatuar vendimet e Gjykatës Kushtetuese, por në të vërtetë as njëra e as tjetra nuk ishte prioritet.
Po ti donin shqiptarët, nuk i detyronin të largoheshin ndaj edhe për votën e tyre po bëjnë çdo gjë për ta pamundësuar. Nuk mjaftojnë rreth 1 miliardë euro që sjellin shqiptarët në Shqipëri, por i detyrojnë të paguajnë edhe postën për të votuar.
E dyta: Formula për listën e përfaqësimit vret garën dhe demokracinë dhe unë nuk mund ti zhgënjenja ata qindra e mijëra qytetarë që më votuam në 2021.
Të dashur qytetarë. Po marr me shembull konkret për të shpjeguar atë që ndodhi dje në Parlament. Qarku i Elbasanit prodhon 14 mandate. Kur e pjestojmë këtë numer me 3 (⅓) e listes e fiksuar del që 5 mandate nga lista e PS dhe 5 nga të PD janë të fiksuara nga kryetarët. Të gjithë kandidatët e tjerë 28 nga dy forcat kryesore dhe të tjerë nga forcat politike të tjera do luftojnë për 4 mandate.
Në demokraci, fjala dhe vota janë parime të rëndësishme. Ndryshimet e djeshme janë kundër votës. Shkuarja në zgjedhje me dy lista: Një e të preferuarve të kryetarëve dhe një me ata për të plotësuar listën krijon një ndasi dhe krijon frymë përçarje.
Aq më tepër për opozitën kjo formulë është vrastare. Partia Demokratike forcën saj në këto 34 vite e ka patur te individi. Emrat në listë përcaktojnë edhe suksesin. Por kjo formulë synon të krijojë bllokun e të besuarve të të parit. Bllokun e atyre që i falen dhe veprojnë e mendojnë vetëm për atë që i vë në listë të sigurtë. Ata s'përgjigjen te qytetarët që i zgjedhin, por te kryertari sepse ai i dha mandat të sigurt. Në këtë mënyrë pra kemi mënjanuar edhe rolin e zgjedhësve.
Krahu i djathtë në Shqipëri ka me dhjetra subjekte politike aktive që kanë mbështetje, ndërsa të majtët kanë vetëm PS. E djathta ka fituar duke mbledhur çdo votë, por kjo formulë me 90% te listës së mbyllur dhe 10% të hapur bashkë edhe me formulën e koalicioneve i rrudh edhe më shumë partitë e vogla sepse askush nuk do ketë interes të punojë si për ata që mund të futen në listë të fiksuar ashtu edhe për ata që janë jashtë asaj liste.
Kjo formulë që u miratua dje nuk shkon as me filozofinë e Partisë Demokratike. Në PD bërtitet me zë të lartë sistemi i primareve që e ka fokusin te vota e simpatizantëve, por te zgjedhjet pastaj qytetarëve u lë shumë pak hapsirë të zgjedhin përfaqësuesesit e tyre.
