Spanja po përballet me një nga zjarret më të mëdha dhe më të vështira të viteve të fundit. Mbi 600 zjarrfik&...
POLITIKE
"Zarfet e Greqisë do të lihen mënjanë", PS ankimon në KAS vendimin e KQZ: I pavlefshëm dhe në kundërshtim me ligjin
r.llPërditësimi i fundit 12 Maj 2025, 06:05
foto ilustruese
TIRANË- Partia Socialiste ka dërguar kërkesë ankimuese në Komisionin e Ankimeve dhe Sanksioneve kundër vendimit të Komisionit Qendror Zgjedhor për lënien mënjanë të zarfeve me votat e ardhura nga Greqia. PS kundërshton dhe cilëson vendimin e KQZ si akt të pavlefshëm dhe të nxjerrë në kundërshtim me ligjin. Në kërkesë thuhet se vendimi ndikon në rezultatin e zgjedhjeve për Kuvend të datës 11 Maj 2025
"Me anë të kësaj kërkese ankimore kundërshtojmë këtë vendim të Komisionerit si akt absolutisht të pavlefshëm, të nxjerrë në kundërshtim me ligjin, bazuar në parashikimin e nenit 124/1, pika 2, meqënëse kemi interes të ligjshëm për çështjen objekt ankimi, si vendim që ndikon në rezultatin e zgjedhjeve për Kuvend të datës 11 Maj 2025.
I. Nga pikëpamja formale, ky vendim është nxjerrë në kundërshtim me dispozitat e Kodit Zgjedhor të cilat përcaktojnë kompetencat e Komisionerit. Komisioneri e referon vendimmarrjen e tij në nenin 19, pika 1, shkronja n dhe pika 2. Në analizë të këtyre dispozitave neni 19, pika 1, shkronja n parashikon: Komisioneri ushtron në emër të KQZ-së kompetencat që i ngarkohen asaj me ligje të veçanta, si dhe çdo kompetencë që ky ligj nuk ia njeh shprehimisht Rregullatorit ose KAS-it.
Në analizë të kësaj dispozite rezulton se ky akt ka karakter normativ dhe si i tillë, është kompetencë e Komisionit Rregullator, sipas parashikimit të nenit 20 'Kompetencat e Rregullatorit. Ndodhur në këto kushte, nuk jemi në zbatim të nenin 19, pika 1, shkronja n kur kompetenca nuk i njihet shprehimisht Rregullatorit ose Komisionit të Ankimimeve dhe Sanksioneve, cka do e detyronte Komisionerin në këtë rast të ushtronte kompetencat në emër të KQZ.", thuhet ndër të tjera në kërkesë ankimuese të PS.
Komisioni Qendror i Zgjedhjeve ka vendosur që zarfet me votat e ardhura nga Greqia të lihen mënjanë dhe të vijojë numërimi i votave nga vendet e tjera. Në vendimin e KQZ thuhet se ky akt synon zhbllokimin e procesit të numërimit dhe më vonë do të ketë një vendimmarrje te dytë për zarfet e Greqisë.
Demokrati Flamur Noka dhe drejtuesja e PD për diasporën, Jozefina Topalli kanë kërkuar që votat e ardhura nga Greqia të trajtohen dhe të numërohen veçmas, pasi kanë ngritur shqetësime për manipulime. Nga ana tjetër, drejtuesi i PS për diasporën, Taulant Balla ka dalë kundër këtij pretendimi.
