Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
POLITIKE
Zgjedhjet parlamentare/ Adriatik Lapaj kërkesë në KQZ: Të rinumërohen votat në Fier dhe Vlorë
m.lPërditësimi i fundit 27 Maj 2025, 18:45
TIRANA- Adriatik Lapaj, lideri politik i koalicionit Nisma-Shqipëria Bëhet siguroi vetëm mandatin e tij për deputet nga qarku i Tiranës për zgjedhjet parlamentare të 11 majit. Së fundmi ai ka deklaruar se do të kërkojë rinumërimin e votave në qarqet e Fierit dhe Vlorës. Me anë të një postimi në rrjetet sociale, Lapaj pretendon se pasi ka marrë pamjet filmike nga KQZ-ja dhe i kanë analizuar, ka vënë re se mes votave faktike në kuti dhe procerverbaleve të miratuara nga KZAZ-të ka mospërputhje.
“QARKU FIER DHE VLORË DUHEN RINUMËRUAR. Sapo morëm pamjet filmike pasi veç dje na u vendosën në dispozicion (ZAZ 59 në Fier ende nuk na është dhënë) dhe nisëm të shohim filmimet del që mes votave faktike në kuti dhe procesverbaleve të miratuara nga KZAZ-të ka mospërputhje domethënëse.
Nisur nga fakti që mandatet tona në këto 2 qarqe janë marrë nga PS me diferencë të ngushtë ka vend për rinumërim. Për çdo kuti ku rezulton të jetë prekur vota ne do çojmë në prokurori çdo person përgjegjës.
Kërkesa për rinumërim do paraqitet sot në KQZ. Ne edhe mund mos i kemi ato mandate, por edhe 1 votë të jetë prekur do ndiqen penalisht. Shembull si janë tjetërsuar votat në procesverbal:
-ZAZ numër 55, VNV 55/3, kutia 2831/00– problem, i janë shtuar 4 vota PS dhe janë hequr dy vota nga Nisma SHB;
-ZAZ numër 60, VNV 60/3, kutia 3017– dy vota të pavlefshme i kanë kaluar si të vlefshme PS-së.
-ZAZ 60, VNV 60/3, kutia 2997/00 —problem, janë shtuar dy vota për PD, janë shtuar 4 vota për PS.
-ZAZ 56, VNV 56/5, kutia 288/01 — problem, janë shtuar dy vota për PS dhe i është hequr një votë Levizjes Atdheu.
-ZAZ 56, VNV 56/3, kutia 2866/01– problem, është hequr një votë nga Nisma SHB dhe tek votat e pavlefshme janë shtuar 3.
-ZAZ 56, kutia 2862/01 —problem, janë hequr dy vota nga Nisma SHB dhe janë shtuar dy vota të pavlefshme”.
