Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Zotohet Berisha: Zero TVSH për të gjitha ushqimet! Ligji i parë që do votohet do jetë minimumi jetik 220 euro për çdo shqiptar
M.B.Përditësimi i fundit 23 Shtator 2024, 20:48
TIRANA- Kreu i Partisë Demokratike, Sali Berisha u zotua sot se ligji i parë që do votohet nesë PD vjen në pushtet do jetë minimumi jetik për çdo shqiptar. Berisha tha se minimumi jetik prej do të jetë 220 euro, aq sa e ka përllogaritur Avokati i Popullit me agjencinë ndërkombëtare të punës. Ai shtoi se nuk mund të tolerohet më tej kurrë që shqiptarët të kenë problemin e ushqimit sot ndaj u zotua për zero TVSH për të gjitha ushqimet.
Pjesë nga fjala e Berishës:
Sot, unë zotohem para mbarë shqiptarëve se ligji i parë që do votohet do jetë minimumi jetik për çdo shqiptar. Minimumi jetik prej 220 euro, aq sa e ka përllogaritur Avokati i Popullit me agjencinë ndërkombëtare të punës. Por nga ana tjetër, miqtë e mi, nuk mund të tolerohet më tej kurrë që shqiptarët të kenë problemin e ushqimit sot. Ndaj zotohem para tyre, zero TVSH për të gjitha ushqimet.
Zero TVSH! Zotohem për pensionistet nuk do mund të jenë kurrë më pak se 120-130 përqind e minimumit jetik. Jo dhe jo! Si mund ta shndërrojmë vendin ne në një laborator dhimbjesh dhe vuajtjesh njerëzore në një kohë kur vendi ka pasuritë më përrallore, por vidhen, vidhen dhe vetëm vidhen? Unë u them shqiptarëve se përsëri do nisim marshin tonë për të dalë në krye të vendeve të rajonit për rrogat dhe pensionet.
Asnjë vend nuk ka pasuritë e Shqipërisë, ja pse shqiptarëve u takon të jenë më të mirëshpërblyerit në rajon. Po shqiptarët janë më të keqshpërblyerit sepse vidhen nga një bandë kriminale. Po si mund t’ua bësh ti një akt të tillë, t’u premtosh rritjen në mars dhe prill dhe t’ua bësh vetëm në tetor për tre muaj? Dhe të rrëmbesh paratë e tyre. Dhe pse? Se do u jap unë një bonus atyre për vota, siç bëri.
